કેન્દ્ર સરકારે બાળકોના મફત અને ફરજિયાત શિક્ષણના અધિકાર (RTE) નિયમો, 2010માં મોટો સુધારો કર્યો છે. આ અંતર્ગત ‘નો ડિટેન્શન પોલિસી’ નાબૂદ કરવામાં આવી છે. હવે ધોરણ 5 અને 8 ની વાર્ષિક પરીક્ષામાં નાપાસ થનાર વિદ્યાર્થીઓ પાસ નહીં થાય. જો કે, નાપાસ થયેલા વિદ્યાર્થીઓને બે મહિનામાં ફરીથી પરીક્ષામાં બેસવાની તક મળશે. જો તેઓ બીજી વખત નાપાસ થાય છે, તો તેમને આગલા વર્ગમાં પ્રમોશન આપવામાં આવશે નહીં. જો કે, ધોરણ 8 સુધી કોઈપણ વિદ્યાર્થીને શાળામાંથી બહાર કાઢવાની મંજૂરી આપવામાં આવશે નહીં.
શિક્ષણ સચિવ સંજય કુમારે કહ્યું કે બાળકોમાં શિક્ષણનું સ્તર સુધારવાના ઉદ્દેશ્યથી આ પગલું ભરવામાં આવ્યું છે. નવા નિયમોનો ઉદ્દેશ્ય વિદ્યાર્થીઓના શિક્ષણ સ્તરને સુધારવાનો છે.
કેન્દ્ર સરકારે ‘નો ડિટેન્શન પોલિસી’ સમાપ્ત કરી
The Union Education Ministry has taken a big decision and abolished the ‘No Detention Policy’.
Students who fail the annual examination in classes 5 and 8 will be failed. Failed students will have a chance to retake the test within two months, but if they fail again, they will… pic.twitter.com/MK8MC1iJ0a
— DD News (@DDNewslive) December 23, 2024
વિરોધ અને સમર્થન
ગુજરાત, ઓડિશા, મધ્યપ્રદેશ, ઝારખંડ, કર્ણાટક અને દિલ્હી જેવા ઘણા રાજ્યોએ તેને લાગુ કરવાનો નિર્ણય લીધો છે. તે જ સમયે, કેરળ જેવા કેટલાક રાજ્યો આ નિર્ણયનો સખત વિરોધ કરી રહ્યા છે. તેઓ માને છે કે નિયમિત પરીક્ષાઓ વિદ્યાર્થીઓ પર દબાણ વધારશે, જેના કારણે ડ્રોપઆઉટ રેટ વધી શકે છે. કેરળની દલીલ છે કે બાળકો પર દબાણ લાવવાને બદલે શિક્ષકોને તાલીમ આપવા અને નબળા વિદ્યાર્થીઓને વધારાની સહાય પૂરી પાડવા પર ધ્યાન કેન્દ્રિત કરવું જોઈએ.
નીતિમાં ફેરફારનું કારણ
2009 માં અમલમાં આવેલ “નો-ડિટેંશન પોલિસી” નો હેતુ એ સુનિશ્ચિત કરવાનો હતો કે કોઈ પણ બાળક, ખાસ કરીને વંચિત પૃષ્ઠભૂમિના, પરીક્ષાઓમાં નિષ્ફળતાને કારણે શાળા છોડી ન જાય. જો કે, ટીકાકારો કહે છે કે આ નીતિથી વિદ્યાર્થીઓની અભ્યાસ પ્રત્યેની ગંભીરતા ઓછી થઈ છે. વિદ્યાર્થીઓને પૂરતા જ્ઞાન વિના આગળના વર્ગમાં મોકલવાનું ચાલુ રાખ્યું, જેના કારણે તેઓ ઉચ્ચ સ્તરની પરીક્ષાઓમાં નાપાસ થયા.
