કેન્દ્રીય મંત્રીમંડળે ગુરુવારે આંધ્રપ્રદેશના શ્રીહરિકોટા ખાતે ભારતીય અવકાશ સંશોધન સંગઠન (ISRO)ના સતીશ ધવન અવકાશ કેન્દ્ર (SDSC) ખાતે ત્રીજા લોન્ચ પેડના નિર્માણને મંજૂરી આપી. આ પ્રોજેક્ટનો કુલ ખર્ચ રૂ. ૩,૯૮૫ કરોડ થશે. કેન્દ્રીય મંત્રી અશ્વિની વૈષ્ણવે આ માહિતી આપી.
બેકઅપ લોન્ચ પેડ તરીકે પણ કામ કરશે
આ પ્રોજેક્ટ હેઠળ, ISRO ના ‘નેક્સ્ટ જનરેશન લોન્ચ વ્હીકલ’ (NGLV) માટે જરૂરી લોન્ચ ઈન્ફ્રાસ્ટ્રક્ચર વિકસાવવામાં આવશે. વધુમાં, તે શ્રીહરિકોટાના બીજા લોન્ચ પેડ માટે બેકઅપ (સ્ટેન્ડબાય) લોન્ચ પેડ તરીકે પણ કામ કરશે.
ઇસરોના અનુભવથી લોન્ચ પેડ તૈયાર કરવામાં આવશે
ઇસરોના અનુભવથી લોન્ચ પેડ તૈયાર કરવામાં આવશેસરકારે એક નિવેદનમાં જણાવ્યું હતું કે, આ પગલાથી ભારતના ભાવિ માનવ અવકાશ મિશન માટે પ્રક્ષેપણ ક્ષમતામાં વધારો થશે. ત્રીજું લોન્ચ પેડ ફક્ત NGLVs જ નહીં પરંતુ LVM3 વાહનોને પણ સપોર્ટ કરવા માટે ડિઝાઇન કરવામાં આવશે, જેમાં સેમીક્રાયઓજેનિક સ્ટેજ અને NGLV ના વિસ્તૃત વર્ઝનનો સમાવેશ થાય છે. આ લોન્ચ પેડ ISROના અનુભવ અને ઉદ્યોગ ભાગીદારીને જોડીને વિકસાવવામાં આવશે, સાથે સાથે હાલના લોન્ચ કોમ્પ્લેક્સની સુવિધાઓને પણ જોડીને વિકસાવવામાં આવશે.
આ પ્રોજેક્ટ ચાર વર્ષમાં પૂર્ણ થશે
નિવેદનમાં કહેવામાં આવ્યું છે કે આ ત્રીજા લોન્ચ પેડનું બાંધકામ ચાર વર્ષમાં પૂર્ણ થશે. આ પ્રોજેક્ટ ISRO ની ભાવિ પ્રક્ષેપણ ક્ષમતામાં નોંધપાત્ર વધારો કરશે અને ભારતના અવકાશ કાર્યક્રમને નવી ઊંચાઈઓ પર લઈ જવામાં મદદ કરશે.
