મુંબઈ બ્લાસ્ટ કેસ: 1993ના મુંબઈ શ્રેણીબદ્ધ બ્લાસ્ટ કેસમાં સાત આરોપીઓ વિરુદ્ધ સુનાવણીનો ત્રીજો તબક્કો સોમવારે વિશેષ અદાલતમાં શરૂ થયો. આ આરોપીઓ ફરાર હતા અને અલગ-અલગ સમયે પકડાયા હતા. કોર્ટે સુનાવણીના બે તબક્કામાં 106 લોકોને દોષિત ઠેરવ્યા છે. તેમાં યાકુબ મેમણનો પણ સમાવેશ થાય છે, જેને જુલાઈ 2015માં ફાંસી આપવામાં આવી હતી.
મુંબઈ 12 બોમ્બ બ્લાસ્ટથી હચમચી ગયું હતું
આ કેસમાં ગેંગસ્ટર અબુ સાલેમને 2005માં પોર્ટુગલથી પ્રત્યાર્પણ કરવામાં આવ્યો હતો અને તેને આજીવન કેદની સજા ફટકારવામાં આવી હતી. 12 માર્ચ, 1993 ના રોજ, મુંબઈના વિવિધ ભાગોમાં 12 બોમ્બ વિસ્ફોટ થયા હતા, જેમાં 257 લોકો માર્યા ગયા હતા અને 700 થી વધુ ઘાયલ થયા હતા. તે સમયે તે વિશ્વના સૌથી ભયંકર આતંકવાદી હુમલાઓમાંનો એક હતો.
સાત લોકો ટ્રાયલનો સામનો કરી રહ્યા છે
સ્પેશિયલ ટેરરિસ્ટ એન્ડ ડિસપ્ટિવ એક્ટિવિટીઝ (પ્રિવેન્શન) એક્ટના જજ વીડી કેદાર સમક્ષ બે સાક્ષીઓની જુબાનીના રેકોર્ડિંગ સાથે ટ્રાયલ શરૂ થઈ હતી. ટ્રાયલનો સામનો કરી રહેલા સાત લોકોમાં ફારૂક મન્સૂરી ઉર્ફે ફારૂક ટકલા, અહેમદ લંબુ, મુનાફ હલારી, અબુ બકર, સોહેબ કુરેશી, સઈદ કુરેશી અને યુસુફ બટકા છે. ટ્રાયલના આ તબક્કા દરમિયાન ફરિયાદ પક્ષ 41 નવા સાક્ષીઓની તપાસ કરી શકે છે. એક અધિકારીના જણાવ્યા અનુસાર આ કેસમાં હજુ 26 આરોપીઓ ફરાર છે.
