હરજિન્દર સિંહ ધામીએ શિરોમણી ગુરુદ્વારા પ્રબંધન સમિતિની ચૂંટણીમાં જીત મેળવી છે. તેમને અકાલી દળની ખૂબ નજીક માનવામાં આવે છે. આ ચૂંટણીમાં 142 મત પડ્યા હતા, જેમાંથી 107 મત હરજિન્દર સિંહ ધામીને પડ્યા હતા. જ્યારે તેમની સામે ચૂંટણી લડનાર બીબી જાગીર કૌરને માત્ર 33 વોટ મળ્યા હતા. SGPC ને શીખ સંસદ પણ કહેવામાં આવે છે. ધામીની આ પદ માટે સતત ચોથી વખત પસંદગી કરવામાં આવી છે. તેઓ શિરોમણી અકાલી દળના ઉમેદવાર હતા, જ્યારે અકાલી દળના બળવાખોર નેતાઓ અને વિપક્ષોએ બીબી જાગીર કૌરને મેદાનમાં ઉતાર્યા હતા. રઘુજીત સિંહ વિર્ક શિરોમણી સમિતિના વરિષ્ઠ ઉપપ્રમુખ તરીકે ચૂંટાયા છે. આ સિવાય ગુરપ્રીત સિંહ ઝબ્બરને ઉપપ્રમુખ બનાવવામાં આવ્યા છે.
શેરસિંહ મંડ મહામંત્રી તરીકે ચૂંટાયા છે. આ ચૂંટણી પર સમગ્ર શીખ સમુદાયની નજર છે. આ સંસ્થા દેશભરના ગુરુદ્વારાનું સંચાલન સંભાળે છે. આ ચૂંટણી બાદ અકાલી દળના નેતા દલજીત સિંહે કહ્યું કે ફરી એકવાર અકાલી દળની જીત થઈ છે. તેમણે કહ્યું કે મેં પહેલા જ કહ્યું હતું કે અમારી જીતનું માર્જિન વધશે. તેમણે કહ્યું કે કેટલાક લોકો શિરોમણી અકાલી દળને નબળું પાડવા માંગે છે, પરંતુ આ પરિણામોએ બતાવ્યું છે કે જનતા શિરોમણી અકાલી દળની સાથે છે.
આ પણ વાંચો – PCની બેઠકમાં ફરી હોબાળો થયો, સંજય સિંહ સહિત અનેક વિપક્ષી નેતાઓએ વોકઆઉટ કર્યો
