Patanjali Foods : રામદેવની પતંજલિ ફૂડ્સ લિ. (PAL) તેની મૂળ કંપની પતંજલિ આયુર્વેદનો નોન-ફૂડ બિઝનેસ રૂ. 1,100 કરોડમાં ખરીદશે. તેના બોર્ડે સોમવારે આ સોદાને મંજૂરી આપી હતી. આનાથી પતંજલિ ફૂડ્સને મોટી FMCG કંપની બનવામાં મદદ મળશે.
પતંજલિ ફૂડ્સે શેરબજારને જણાવ્યું કે તેના બોર્ડ ઓફ ડિરેક્ટર્સે પતંજલિ આયુર્વેદના સમગ્ર નોન-ફૂડ બિઝનેસ એટલે કે વાળ અને ત્વચાની સંભાળ, દાંતની સંભાળ અને ઘર વપરાશના ઉત્પાદનોના સંપાદનને મંજૂરી આપી છે. આમાં તમામ જંગમ અને સ્થાવર મિલકતો, કરારો, લાઇસન્સ, પુસ્તકો, રેકોર્ડ્સ, કર્મચારીઓ અને PAL ની અમુક ધારેલી જવાબદારીઓનો સમાવેશ થાય છે. આ સોદો શેરધારકો, ધિરાણકર્તાઓ અને અન્ય મંજૂરીઓને આધીન છે.
