હરિયાણાના નુહના બિછૌર પોલીસ સ્ટેશન વિસ્તારમાં સોમવારે ઈદની નમાજ પછી બે જૂથો વચ્ચે હિંસક અથડામણ થઈ હતી. આ દરમિયાન ભારે લાઠીચાર્જ કરવામાં આવ્યો હતો. આ ઘટનામાં બંને પક્ષના 10 લોકો ઘાયલ થયા હોવાનું કહેવાય છે.
અહેવાલો અનુસાર, નુહના બિછૌર પોલીસ સ્ટેશન વિસ્તાર હેઠળના તિરવાડા ગામમાં સોમવારે ઈદની નમાજ અદા કર્યા પછી બે જૂથો વચ્ચે અથડામણ થઈ હતી. આમાં બંને પક્ષના 10 લોકો ઘાયલ થયા હતા. ઘાયલોને સારવાર માટે હોસ્પિટલમાં લઈ જવામાં આવ્યા છે. ઘટનાસ્થળ પર પરિસ્થિતિ હાલમાં શાંત અને નિયંત્રણમાં છે.
બિછૌર પોલીસ સ્ટેશનના એસએચઓ જગવીર સિંહે જણાવ્યું કે સવારે ૧૧:૦૦ વાગ્યાની આસપાસ, તિરવાડા ગામમાં બે પક્ષો વચ્ચે અથડામણની માહિતી મળી. માહિતી મળતા જ પોલીસ ટીમ તાત્કાલિક ઘટનાસ્થળે પહોંચી ગઈ હતી અને લોકોને સમજાવીને ઝઘડો શાંત કરવામાં આવ્યો હતો. બંને પક્ષો એક જ પરિવારના છે અને જમીન વિવાદને લઈને તેમની વચ્ચે લાંબા સમયથી દુશ્મનાવટ ચાલી રહી છે. ઘાયલોને નજીકની હોસ્પિટલમાં દાખલ કરવામાં આવ્યા છે. આ મામલે હજુ સુધી કોઈપણ પક્ષ દ્વારા પોલીસમાં ફરિયાદ નોંધાઈ નથી.
