Modi Cabinet Update
Modi Cabinet : વડાપ્રધાન નરેન્દ્ર મોદીની અધ્યક્ષતામાં કેન્દ્રીય મંત્રીમંડળે શુક્રવારે અનેક મોટી યોજનાઓની જાહેરાત કરી હતી. આમાં પ્રધાનમંત્રી આવાસ યોજના-અર્બન 2.0ને મંજૂરી આપવાનો પણ સમાવેશ થાય છે. આ યોજના હેઠળ 3,60,000 કરોડના ખર્ચે 3 કરોડ નવા મકાનો બનાવવામાં આવશે. આ સિવાય કેબિનેટે ભારતીય રેલ્વેમાં આઠ નવી લાઇન પ્રોજેક્ટને મંજૂરી આપી છે.
માહિતી આપતા વૈષ્ણવે કહ્યું કે છેલ્લા 10 વર્ષોમાં પ્રધાનમંત્રી આવાસ યોજના દ્વારા 4 કરોડ ઘરોમાં મોટું સામાજિક પરિવર્તન આવ્યું છે. 3 કરોડ વધુ નવા મકાનોના અમલીકરણ માટે વિગતવાર ચર્ચા કરવામાં આવી છે, આ પીએમ મોદીના પ્રારંભિક વચનોમાંથી એક હતું. આ માટે બજેટમાં 3,60,000 કરોડ રૂપિયાની જોગવાઈ કરવામાં આવશે. 2 કરોડ ઘરો ગ્રામીણ વિસ્તારોમાં અને 1 કરોડ ઘર શહેરી વિસ્તારોમાં હશે.
યોજના મુજબ 5 વર્ષમાં 1 લાખ શહેરી ગરીબ અને મધ્યમ વર્ગના પરિવારોને આર્થિક સહાય આપવામાં આવશે.
કેબિનેટે બહેતર કનેક્ટિવિટી પૂરી પાડવા, મુસાફરી સરળ બનાવવા, લોજિસ્ટિક્સ ખર્ચ ઘટાડવા, તેલની આયાત ઘટાડવા અને CO2 ઉત્સર્જન ઘટાડવા આઠ રેલવે પ્રોજેક્ટ્સની જાહેરાત કરી છે. પ્રોજેક્ટ્સની કુલ અંદાજિત કિંમત રૂ. 24,657 કરોડ (અંદાજે) છે અને તે 2030-31 સુધીમાં પૂર્ણ થશે. પ્રોજેક્ટના નિર્માણ દરમિયાન મોટી સંખ્યામાં લોકોને રોજગારી પણ મળશે.
કેબિનેટે માહિતી આપી હતી કે આ પ્રોજેક્ટ્સ મલ્ટિ-મોડલ કનેક્ટિવિટી માટે PM-ગતિ શક્તિ રાષ્ટ્રીય માસ્ટર પ્લાનનો ભાગ છે, જે સંકલિત આયોજન દ્વારા શક્ય બને છે અને લોકો, માલસામાન અને સેવાઓની અવરજવર માટે સીમલેસ કનેક્ટિવિટી પ્રદાન કરશે. સાત રાજ્યો એટલે કે ઓડિશા, મહારાષ્ટ્ર, આંધ્રપ્રદેશ, ઝારખંડ, બિહાર, તેલંગાણા અને પશ્ચિમ બંગાળના 14 જિલ્લાઓને આવરી લેતી 8 યોજનાઓ ભારતીય રેલ્વેના વર્તમાન નેટવર્કને 900 કિમી સુધી વિસ્તારશે. આ પ્રોજેક્ટ્સ સાથે, 64 નવા સ્ટેશનો બાંધવામાં આવશે, જે છ (6) મહત્વાકાંક્ષી જિલ્લાઓ (પૂર્વ સિંઘભૂમ, ભદાદ્રી કોઠાગુડેમ, મલકાનગિરી, કાલાહાંડી, નબરંગપુર, રાયગડા), લગભગ 510 ગામો અને લગભગ 40 લાખ વસ્તીને વધુ સારી કનેક્ટિવિટી પ્રદાન કરશે.
