મુઈઝૂ તાજમહેલની મુલાકાતે: માલદીવના રાષ્ટ્રપતિ મોહમ્મદ મુઈઝુ અને તેમની પત્ની સાજીદા મોહમ્મદ મંગળવારે સવારે તાજમહેલની મુલાકાત લેશે. ભારતીય પુરાતત્વ સર્વેક્ષણ (ASI), આગ્રાના અધિકારીઓએ જણાવ્યું હતું કે તેમની મુલાકાત દરમિયાન સ્મારક સામાન્ય લોકો માટે બે કલાક માટે બંધ રહેશે. અધિકારીએ જણાવ્યું કે આગ્રા એરપોર્ટ પર પહોંચતા જ મુઈઝુ અને તેમની પત્નીનું મુખ્યમંત્રી યોગી આદિત્યનાથ વતી રાજ્ય મંત્રી યોગેન્દ્ર ઉપાધ્યાય સ્વાગત કરશે.
તેણે જણાવ્યું કે, કપલ એરપોર્ટથી તાજમહેલ જોવા માટે રવાના થશે. આગ્રા ક્ષેત્રના અધિક્ષક પુરાતત્વવિદ્ રાજકુમાર પટેલે જણાવ્યું હતું કે, “માલદીવના રાષ્ટ્રપતિ મોહમ્મદ મુઇઝ્ઝુ અને તેમની પત્ની સાજીદા મોહમ્મદની મુલાકાતને કારણે તાજમહેલ સવારે 8 થી 10 વાગ્યા સુધી સામાન્ય લોકો માટે બંધ રહેશે.”
માલદીવના રાષ્ટ્રપતિ ચાર દિવસીય ભારતની મુલાકાતે આવ્યા છે. તે મંગળવારે આગ્રા અને મુંબઈ જશે અને બુધવારે બેંગલુરુ જશે અને પછી ગુરુવારે માલે પરત ફરશે.
ભારતે સોમવારે કહ્યું કે માલદીવ સાથે તેના મૈત્રીપૂર્ણ સંબંધો જળવાઈ રહેશે. પીએમ મોદી અને રાષ્ટ્રપતિ મોહમ્મદ મુઈઝુએ વ્યાપક આર્થિક અને દરિયાઈ સહયોગ માટે બ્લૂ પ્રિન્ટ રજૂ કરી હતી. ગયા વર્ષે થોડી ખટાશ પછી બંને દેશો વચ્ચેના સંબંધોમાં સુધારો થવાનો આ સંકેત છે.
ભારતીય વાયુસેના પ્રમુખના નિવેદન પર ચીને આપી સલાહ, સંરક્ષણને મજબૂત કરવાનો ભારતનો અધિકાર
