Karnataka: કોંગ્રેસ કાઉન્સિલર નિરંજન હિરેમથની પુત્રીની ગુરુવારે કર્ણાટકના હુબલીમાં BVB કોલેજ કેમ્પસની અંદર છરીના ઘા મારીને હત્યા કરવામાં આવી હતી. મૃતક નેહા એમસીએ પ્રથમ વર્ષની વિદ્યાર્થીની હતી.
આરોપીઓની ધરપકડ કરવામાં આવી હતી
પોલીસના જણાવ્યા અનુસાર, ફૈયાઝ છરી સાથે કોલેજ કેમ્પસમાં ગયો હતો અને નેહા પર પાંચ-છ વખત હુમલો કર્યો હતો. આ દરમિયાન તેને ઈજા પણ થઈ હતી. બંનેને હોસ્પિટલમાં લઈ જવામાં આવ્યા હતા. હોસ્પિટલમાં નેહાને મૃત જાહેર કરવામાં આવી હતી. પોલીસે જણાવ્યું કે આરોપી ફૈયાઝ એમસીએ ડ્રોપઆઉટ છે. તેની ધરપકડ કરવામાં આવી છે.
આ સમગ્ર ઘટના સીસીટીવી કેમેરામાં કેદ થઈ ગઈ હતી.
મૃતક અને આરોપી બીસીએ કોર્સ દરમિયાન બેચમેટ હતા. આ સમગ્ર ઘટના સીસીટીવી કેમેરામાં કેદ થઈ ગઈ હતી. વરિષ્ઠ પોલીસ અધિકારીએ કહ્યું કે, પૂછપરછ દરમિયાન તેણે (ફયાઝે) દાવો કર્યો હતો કે તે બંને રિલેશનશિપમાં હતા અને તે અચાનક જ તેનાથી દૂર રહેવા લાગી હતી. પોલીસે જણાવ્યું કે હત્યાનો કેસ નોંધવામાં આવ્યો છે. તપાસ ચાલુ છે.
