મહારાષ્ટ્ર વિધાનસભા ચૂંટણી માટે પ્રચાર કરી રહેલા જેપી નડ્ડા શુક્રવારે થાણેના એક ગુરુદ્વારા પહોંચ્યા હતા. આ દરમિયાન તેમની સાથે મોટી સંખ્યામાં આગેવાનો પહોંચ્યા ત્યારે કિર્તનમાં વિક્ષેપ પડ્યો અને આનાથી ત્યાં હાજર સેવકો રોષે ભરાયા. સેવાદારોની નારાજગી વચ્ચે જેપી નડ્ડા ભાજપના નેતાઓ સાથે ત્યાંથી રવાના થયા હતા. ગુરુ નાનક જયંતિ પર તેઓ તિનહાટ નાકા વિસ્તારમાં સ્થિત ગુરુદ્વારા પહોંચ્યા હતા. નાનક જયંતિના કારણે અહીં મોટી ભીડ હતી અને સેવકોનું કહેવું છે કે જેપી નડ્ડા સાથે ઘણા નેતાઓ પહોંચ્યા હતા. જેના કારણે કીર્તન ખોરવાઈ ગયું હતું.
જેપી નડ્ડા સાથે, થાણે શહેરના ધારાસભ્ય અને ભાજપના ઉમેદવાર સંજય કેલકર, થાણે શહેર ભાજપ અધ્યક્ષ સંજય વાઘુલે, વિધાન પરિષદના સભ્ય નિરંજન દાવખરે સહિત ઘણા નેતાઓ હાજર હતા. મહારાષ્ટ્ર ટાઈમ્સના અહેવાલ મુજબ, ગુરુદ્વારામાં દર્શન કર્યા પછી અને પ્રણામ કર્યા પછી, તેઓ બીજેપી નેતાઓ સાથે ફોટો લેવા માટે ઉભા થયા. આ દરમિયાન મોટી સંખ્યામાં લોકો ત્યાં એકઠા થઈ ગયા હતા અને કહેવાય છે કે સેવકો આનાથી ગુસ્સે થઈ ગયા હતા. તેમણે કહ્યું કે તેના કારણે કીર્તનમાં અડચણ આવી હતી. એવું પણ કહેવામાં આવી રહ્યું છે કે જેપી નડ્ડાના કારણે કેટલાક ભક્તોને રોકવામાં આવ્યા હતા, જેના કારણે ત્યાં હાજર સેવાદારોને પણ વાંધો પડ્યો હતો.
આના પર તેમણે જેપી નડ્ડા સહિતના ભાજપના નેતાઓ અને અધિકારીઓને બહાર જવા કહ્યું. સેવાદારો ગુસ્સે થતાં જ નડ્ડા અને તેમની સાથે હાજર તમામ નેતાઓ, ધારાસભ્યો અને અધિકારીઓ ગુરુદ્વારા છોડીને ચાલ્યા ગયા. ભીડમાંથી બહાર આવતા નડ્ડાનો એક વીડિયો સામે આવ્યો છે. ગુરુદ્વારા છોડ્યા બાદ નડ્ડા હવે બીજા કાર્યક્રમમાં પહોંચ્યા છે અને ત્યાં લોકોને સંબોધિત કરી રહ્યા છે. જો કે થાણેના સેવાદારોની નારાજગી પણ રાજકીય વર્તુળોમાં ચર્ચાઈ રહી છે. હજુ સુધી આ મામલે જેપી નડ્ડા કે તેમની ઓફિસ તરફથી કોઈ પ્રતિક્રિયા આવી નથી.
આ પણ વાંચો – બેદરકારીએ લીધો 10 માસુમનો ભોગ, 37 થી વધુ બાળકોનો કરાયો આબાદ બચાવ
