Indian Navy: વાઈસ એડમિરલ સંજય ભલ્લાને ભારતીય નૌકાદળના ચીફ ઓફ પર્સનલ તરીકે નિયુક્ત કરવામાં આવ્યા છે. તેઓ છેલ્લા 35 વર્ષથી દેશની સેવા કરી રહ્યા છે.
10 મેના રોજ વાઇસ એડમિરલ સંજય ભલ્લાને ભારતીય નૌકાદળના ચીફ ઓફ પર્સનલનો હવાલો સોંપવામાં આવ્યો છે. સંજય ભલ્લાને તેમની વિશિષ્ટ સેવા બદલ નૌકાદળના વડા અને ફ્લેગ ઓફિસર કમાન્ડિંગ-ઇન-ચીફ દ્વારા અતિ વિશિષ્ટ સેવા મેડલ, નાઓ સેના મેડલ અને પ્રશંસાથી નવાજવામાં આવ્યા છે.
સીઓપી તરીકેનો ચાર્જ સંભાળતા પહેલા તેઓ પશ્ચિમી નેવલ કમાન્ડના ચીફ ઓફ સ્ટાફ હતા. તેમણે સિંધુદુર્ગ ખાતે ઓપરેશન સંકલ્પ અને નેવી ડે ઓપરેશન ડેમો 2023 જેવા કાર્યક્રમોનું નિરીક્ષણ કર્યું હતું.
તમને જણાવી દઈએ કે વાઈસ એડમિરલ સંજય ભલ્લા 1 જાન્યુઆરી 1989ના રોજ ભારતીય નૌકાદળમાં નિયુક્ત થયા હતા. 35 વર્ષની કારકીર્દિમાં, તેમણે તરતા અને દરિયાકાંઠે નિષ્ણાતો, સ્ટાફ અને ઓપરેશનલ એપોઇન્ટમેન્ટની વિશાળ શ્રેણી પર સેવા આપી છે.
