ઉત્તર પ્રદેશના ગાઝિયાબાદથી એક મોટા સમાચાર સામે આવ્યા છે. હાઇરાઇઝ સોસાયટીમાં યુવકે આપઘાત કર્યો હતો. મૃતકના ખિસ્સામાંથી એક સુસાઈડ નોટ પણ મળી આવી છે, જેમાં તેણે આપઘાતનું કારણ જણાવ્યું છે. પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો હતો. પોલીસ આ મામલે તપાસ કરી રહી છે.
આ ઘટના ગાઝિયાબાદના નંદગ્રામ પોલીસ સ્ટેશન વિસ્તારમાં બની હતી. રાજનગર એક્સટેન્શનની VVIP એડ્રેસ સોસાયટીમાં તુષાર ગોયલનું શંકાસ્પદ સંજોગોમાં મૃત્યુ થયું હતું. તે મૂળ પટેલ નગરનો રહેવાસી હતો. તુષાર ગોયલે શુક્રવારે તેની બિલ્ડીંગના 14મા માળેથી કૂદીને આત્મહત્યા કરી હતી, જેનાથી સમગ્ર સોસાયટીમાં ખળભળાટ મચી ગયો હતો. સ્થાનિક લોકોએ આ અંગે પોલીસને જાણ કરી હતી.
મૃતક પાસેથી સ્યુસાઈડ નોટ મળી આવી છે
માહિતી મળતા જ પોલીસની ટીમ ઘટનાસ્થળે પહોંચી ગઈ હતી અને મૃતદેહનો કબજો મેળવ્યો હતો. પોલીસને મૃતદેહ પાસે એક સુસાઈડ નોટ પણ મળી આવી છે. મૃતકે સુસાઈડ નોટમાં લખ્યું છે કે વધુ પડતા દેવાના કારણે તેણે આત્મહત્યા કરવાનો નિર્ણય કર્યો હતો. જોકે પોલીસ આ મામલે દરેક એંગલથી તપાસ કરી રહી છે.
આ મામલે પોલીસ તપાસ કરી રહી છે
પોલીસે મૃતદેહને પોસ્ટમોર્ટમ માટે મોકલી દીધો છે અને નજીકમાં રહેતા લોકોની પૂછપરછ કરી રહી છે. ઉપરાંત તપાસ ટીમ એ પણ જાણવાનો પ્રયાસ કરી રહી છે કે લોન બાબતે યુવક પર કોણ દબાણ કરતું હતું? પરિવારજનોની ફરિયાદ મળ્યા બાદ પોલીસ આરોપીઓ વિરુદ્ધ કેસ નોંધશે.
