Siddharth Mallya’s Wedding
Vijay Mallya : ભારતીય બેંકોને હજારો કરોડ રૂપિયાની છેતરપિંડી કરીને ભાગી ગયેલા દારૂના વેપારી (Vijay Mallya )વિજય માલ્યાના પુત્ર સિદ્ધાર્થે લંડનમાં લગ્ન કરી લીધા છે. સિદ્ધાર્થના લગ્ન ગયા સપ્તાહના અંતમાં જ થયા હતા, જેમાં ઘણા મહેમાનો અને પરિવારના મિત્રો હાજર હતા. આ દરમિયાન, સૌથી વધુ ચર્ચાની વાત એ છે કે લગ્નમાં ભારતમાંથી અન્ય એક ભાગેડુ લલિત મોદીનું આગમન. સોશિયલ મીડિયા પર એક તસવીર વાયરલ થઈ રહી છે, જેમાં લલિત મોદી પણ એક લગ્નમાં જોવા મળી રહ્યા છે. આ લગ્ન બ્રિટનના હર્ટફોર્ડશાયર વિસ્તારમાં થયા હતા. સિદ્ધાર્થ માલ્યા અને જાસ્મિનના પહેલા લગ્ન ખ્રિસ્તી ધર્મ પ્રમાણે થયા હતા. ત્યારપછી બંનેએ હિંદુ રીતિ-રિવાજ મુજબ લગ્ન કર્યા.
લલિત મોદી ભારતની પ્રખ્યાત ક્રિકેટ લીગ IPLના ભૂતપૂર્વ કમિશનર રહી ચૂક્યા છે. તેના પર IPLમાં નાણાકીય ગેરરીતિનો આરોપ છે. લલિત મોદી વિરુદ્ધ ટેક્સ ફ્રોડ, મની લોન્ડરિંગ જેવા કેસ પણ ચાલી રહ્યા છે. આ સિવાય સિદ્ધાર્થના પિતા (Vijay Mallya )વિજય માલ્યા પર બેંકો પાસેથી લોનની છેતરપિંડીનો આરોપ છે. આઈપીએલની 2010 સીઝન બાદ જ BCCI દ્વારા લલિત મોદીને સસ્પેન્ડ કરવામાં આવ્યા હતા. તેમના પર નાણાકીય અનિયમિતતા અને ગેરવર્તણૂકનો આરોપ લાગ્યા બાદ આ નિર્ણય લેવામાં આવ્યો હતો.
Vijay Mallya BCCIએ લલિત મોદી પર કઇ અનિયમિતતાનો આરોપ લગાવ્યો?
બીસીસીઆઈએ લલિત મોદી પર આઈપીએલની ગવર્નિંગ કાઉન્સિલના અધ્યક્ષ તરીકે 753 કરોડ રૂપિયાની છેતરપિંડી કરવાનો આરોપ લગાવ્યો હતો. તેણે વર્લ્ડ સ્પોર્ટ્સ ગ્રુપના અધિકારીઓ સાથે મળીને આ દુષ્કર્મ આચર્યું હતું. સિદ્ધાર્થ માલ્યાના લગ્નમાં લલિત મોદી ઉપરાંત બંને પરિવારના સંબંધીઓ હાજર રહ્યા હતા. ક્રિશ્ચિયન વેડિંગ દરમિયાન દુલ્હન બનેલી જાસ્મિનએ સફેદ ડ્રેસ પહેર્યો હતો.
ભાગેડુ બિઝનેસમેન વિજય માલ્યા પોતાના પુત્રને કિસ કરતા જોવા મળ્યા હતા
આ પછી જ્યારે હિંદુ રીતિ-રિવાજ મુજબ લગ્ન થયા ત્યારે તે પિંક લહેંગામાં જોવા મળી હતી. આ લગ્ન સમારોહની તસવીરો અને વીડિયો ત્યાં હાજર મહેમાનો દ્વારા શેર કરવામાં આવ્યા છે. આવા જ એક વીડિયોમાં સિદ્ધાર્થ અને જાસ્મિન ડાન્સ કરતા જોવા મળે છે. આ પછી બંનેએ કેક પણ કાપી. બંનેએ ઇન્સ્ટાગ્રામ પર લગ્નનો ફોટો પણ શેર કર્યો છે. કેટલીક તસવીરોમાં(Vijay Mallya ) વિજય માલ્યા પોતાના પુત્રને કિસ કરતા જોવા મળે છે.
