છત્તીસગઢની ઓળખ અને દેશના બીજા સર્વોચ્ચ સન્માન પદ્મ વિભૂષણથી સન્માનિત તીજન બાઈની એઈમ્સમાં સારવાર શરૂ થઈ ગઈ છે. મુખ્યમંત્રી વિષ્ણુદેવ સાંઈને તીજન બાઈની બીમારીની જાણકારી મળતા જ તેમણે આરોગ્ય વિભાગને તેમની યોગ્ય અને સારી સારવાર માટે વ્યવસ્થા કરવા સૂચના આપી હતી.
આ સંદર્ભમાં સ્વાસ્થ્ય મંત્રી શ્યામ બિહારી જયસ્વાલ પણ તીજન બાઈને મળવા તેમના સ્વાસ્થ્ય વિશે જાણકારી મેળવવા પહોંચ્યા હતા અને 5 લાખ રૂપિયાની આર્થિક મદદ પણ કરી હતી. આ સાથે તેજન બાઈ માટે ઘરમાં મોટરાઈઝ્ડ રિમોટ કંટ્રોલ ઓટોમેટિક બેડ, બેડ ટેબલ અને વ્હીલ ચેર આપવામાં આવી છે.
આ સાથે તીજન બાઈની દેખરેખ માટે મેડિકલ ઓફિસર અને ફિઝિયોથેરાપિસ્ટની પણ નિમણૂક કરવામાં આવી છે. ડૉક્ટરોની એક ટીમ દિવસમાં એક વખત તેમના ઘરે તેમના સ્વાસ્થ્યની તપાસ કરે છે અને મેડિકલ રિપોર્ટ તૈયાર કરે છે.
