છૂટાછેડાના સમાચાર વચ્ચે ચહલે પીડા વ્યક્ત કરી, નવી ઇન્સ્ટાગ્રામ સ્ટોરી સામે આવી

ટીમ ઈન્ડિયાના સ્ટાર સ્પિન બોલર યુઝવેન્દ્ર ચહલ અને તેની પત્ની ધનશ્રી વર્માના છૂટાછેડાની અટકળો ચાલી રહી છે. જોકે ચહલ અને ધનશ્રી વર્મા દ્વારા છૂટાછેડાને લઈને કોઈ નિવેદન આપવામાં આવ્યું નથી. જ્યારે ચહલે પોતાના ઈન્સ્ટાગ્રામ પરથી ધનશ્રી વર્મા સાથેના તમામ ફોટો હટાવી દીધા છે. દરમિયાન, યુઝવેન્દ્ર ચહલની નવી ઇન્સ્ટાગ્રામ સ્ટોરી સામે આવી છે. જે હાલ ખુબ વાયરલ થઈ રહ્યો છે.

ચહલની નવી ઇન્સ્ટાગ્રામ સ્ટોરી

ધનશ્રી વર્મા સાથે છૂટાછેડાના સમાચાર વચ્ચે યુઝવેન્દ્ર ચહલની નવી ઈન્સ્ટાગ્રામ સ્ટોરી સામે આવી છે. તેની ઈન્સ્ટાગ્રામ સ્ટોરીમાં ચહલે લખ્યું છે કે “મૌન એ લોકો માટે એક ગહન સંગીત છે જે તેને બધા અવાજથી આગળ સાંભળી શકે છે” ચહલ અને ધનશ્રીએ પણ ઈન્સ્ટાગ્રામ પર એકબીજાને અનફોલો કરી દીધા છે. ચહલે પણ ધનશ્રી વર્મા સાથેની પોતાની તમામ તસવીરો હટાવી દીધી હતી. જો કે ધનશ્રી વર્માના એકાઉન્ટ પર હજુ પણ બંનેની તસવીરો છે.

ચહલ મિસ્ટ્રી ગર્લ સાથે જોવા મળ્યો હતો

છૂટાછેડાની અફવાઓ વચ્ચે, યુઝવેન્દ્ર ચહલની મિસ્ટ્રી ગર્લ સાથેની તસવીર સોશિયલ મીડિયા પર વાયરલ થઈ રહી છે. સોશિયલ મીડિયા પર એવો દાવો કરવામાં આવી રહ્યો છે કે ચહલ તે છોકરી સાથે હોટલમાં જોવા મળ્યો હતો, જો કે હજુ સુધી એ જાણી શકાયું નથી કે તે છોકરી કોણ છે?

યુજી ચહલ અને ધનશ્રીએ વર્ષ 2020માં એકબીજા સાથે લગ્ન કર્યા હતા. બંનેના આ લગ્ન ગુરુગ્રામમાં થયા હતા. રિપોર્ટ અનુસાર, ચહલ ધનશ્રીના યુટ્યુબ ડાન્સ ક્લાસમાં જોડાયો હતો, અહીંથી તેમની લવ સ્ટોરી શરૂ થઈ હતી.