IND vs SL 2024
IND vs SL: ભારત અને શ્રીલંકા વચ્ચે ત્રણ મેચની T20 શ્રેણીની પ્રથમ મેચ 27 જુલાઈ શનિવારના રોજ પલ્લેકલેના પલ્લેકલે ઈન્ટરનેશનલ સ્ટેડિયમમાં રમાઈ હતી. આ મેચમાં શ્રીલંકાના સ્પિનર કામિન્દુ મેન્ડિસે બંને હાથે બોલિંગ કરીને ક્રિકેટ જગતને ચોંકાવી દીધું હતું. IND vs SL મેન્ડિસે સૂર્યકુમાર યાદવને ડાબા હાથે અને રિષભ પંતને જમણા હાથે બોલ્ડ કર્યો હતો.
શ્રીલંકાના સ્પિનર જમણા હાથના બેટ્સમેનને ડાબા હાથથી અને ડાબા હાથના બેટ્સમેનને જમણા હાથે બોલિંગ કરી રહ્યા હતા. મેન્ડિસે મેચમાં માત્ર એક ઓવર ફેંકી હતી. જોકે, તે માત્ર એક ઓવરમાં જ ચર્ચાનો વિષય બની ગયો હતો. કામિન્દુ મેન્ડિસે પ્રથમ દાવમાં 10મી ઓવર ફેંકી હતી. તેણે પોતાની ઓવરમાં 09 રન ખર્ચ્યા. મેન્ડિસના બંને હાથથી બોલિંગ કરવાની ઘટના સોશિયલ મીડિયા પર ઝડપથી વાયરલ થઈ રહી છે.
IND vs SL ટીમ ઈન્ડિયાએ સીરિઝની ઓપનર જીતી લીધી હતી
તમને જણાવી દઈએ કે ટીમ ઈન્ડિયાએ T20 સિરીઝની પ્રથમ મેચ 43 રને જીતી લીધી હતી. પલ્લેકેલે ઈન્ટરનેશનલ સ્ટેડિયમમાં રમાયેલી મેચમાં શ્રીલંકાએ ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરવા આવેલી ટીમ ઈન્ડિયાએ 20 ઓવરમાં 7 વિકેટે 213 રન બનાવ્યા હતા. IND vs SL ટીમ માટે કેપ્ટન સૂર્યકુમાર યાદવે સૌથી મોટી ઇનિંગ રમી અને 26 બોલમાં 58 રન બનાવ્યા. આ દરમિયાન તેણે 8 ફોર અને 2 સિક્સર ફટકારી હતી. સૂર્યા સિવાય રિષભ પંતે શાનદાર ઇનિંગ રમી હતી. પંતે 33 બોલમાં 6 ચોગ્ગા અને 1 છગ્ગાની મદદથી 49 રન બનાવ્યા હતા.
ત્યારબાદ લક્ષ્યનો પીછો કરતા શ્રીલંકાની ટીમ 19.2 ઓવરમાં 170 રનમાં ઓલઆઉટ થઈ ગઈ હતી. શ્રીલંકા માટે પથુમ નિસાન્કાએ 48 બોલમાં 7 ચોગ્ગા અને 4 છગ્ગાની મદદથી 79 રનની ઇનિંગ રમી હતી. આ સિવાય કુસલ મેન્ડિસે 27 બોલમાં 7 ચોગ્ગા અને 1 છગ્ગાની મદદથી 45 રન બનાવ્યા હતા. બાકીના તમામ બેટ્સમેનો ફ્લોપ રહ્યા હતા. ટીમના કુલ 7 બેટ્સમેન ડબલ ફિગર પણ પાર કરી શક્યા ન હતા. 7માંથી 4 બેટ્સમેનોના ખાતા પણ ખૂલ્યા ન હતા.
Paris Olympics 2024: 10 મીટર એર પિસ્તોલ ઈવેન્ટની ફાઇનલમાં આ ભારતીય ખેલાડીએ બનાવી જગ્યા
