IPL 2024: લખનૌ સુપર જાયન્ટ્સના કેપ્ટન કેએલ રાહુલ અને ચેન્નાઈ સુપર કિંગ્સનાં કેપ્ટન રુતુરાજ ગાયકવાડને આઈપીએલ મેચ દરમિયાન ધીમી ઓવરરેટ માટે 12 લાખ રૂપિયાનો દંડ ફટકારવામાં આવ્યો હતો, તેણે શુક્રવારે ચેન્નાઈને આઠ વિકેટથી હરાવ્યું હતું.
IPL આચાર સંહિતા હેઠળ ધીમી ઓવર રેટ માટે આ ટીમોનો આ પહેલો ગુનો હતો. આ કારણોસર રાહુલ અને ઋતુરાજ પર માત્ર દંડ ફટકારવામાં આવ્યો હતો. જો ભવિષ્યમાં આવી ભૂલો થશે તો આ બંને સામે કડક કાર્યવાહી થઈ શકે છે. નિયમો હેઠળ, કેપ્ટન પર કેટલીક મેચો માટે પ્રતિબંધ મૂકવાની જોગવાઈ છે.
IPLએ એક નિવેદનમાં કહ્યું- લખનૌ સુપર જાયન્ટ્સનો કેપ્ટન કેએલ રાહુલ CSK સામેની મેચ દરમિયાન ધીમી ઓવરરેટ માટે દોષી સાબિત થયો હતો. તેવી જ રીતે ચેન્નાઈ સુપર કિંગ્સના કેપ્ટન રૂતુરાજ ગાયકવાડને પણ ધીમા ઓવરરેટ માટે દંડ ફટકારવામાં આવ્યો છે.
મેચની વાત કરીએ તો ધોની સિવાય ચેન્નાઈ માટે અજિંક્ય રહાણેએ 24 બોલમાં 36 રન, રવિન્દ્ર જાડેજાએ 40 બોલમાં 57 રન અને મોઈને 20 બોલમાં 30 રન બનાવ્યા હતા. લખનૌ તરફથી કૃણાલ પંડ્યાએ બે વિકેટ ઝડપી હતી. જવાબમાં લખનૌએ 19 ઓવરમાં બે વિકેટ ગુમાવીને લક્ષ્યાંક હાંસલ કરી લીધો હતો. ડી કોકે 43 બોલમાં પાંચ ચોગ્ગા અને એક છગ્ગાની મદદથી 54 રનની ઇનિંગ રમી હતી.
તે જ સમયે, કેપ્ટન કેએલ રાહુલે 53 બોલમાં નવ ચોગ્ગા અને ત્રણ છગ્ગાની મદદથી 82 રન બનાવ્યા હતા. નિકોલસ પૂરન 12 બોલમાં 23 રન અને માર્કસ સ્ટોઇનિસ સાત બોલમાં આઠ રન બનાવીને અણનમ રહ્યા હતા. CSKની ટીમ પોઈન્ટ ટેબલમાં ત્રીજા સ્થાને છે અને લખનૌની ટીમ પાંચમા સ્થાને છે. બંનેના આઠ-આઠ પોઈન્ટ છે. લખનૌની
આગામી મેચ ચેપોકમાં ચેન્નાઈ સામે છે. આ મેચ 23 એપ્રિલે રમાશે.
