આંતરરાષ્ટ્રીય ક્રિકેટમાંથી નિવૃત્તિ લઈ ચૂકેલા દિગ્ગજ ખેલાડીઓ ફરી એકવાર સામસામે જોવા મળશે. ઇન્ટરનેશનલ માસ્ટર્સ લીગ ક્રિકેટની લાંબા સમયથી રાહ જોઈ રહેલા ચાહકો માટે એક સારા સમાચાર છે. આ ટુર્નામેન્ટ 22 ફેબ્રુઆરીથી શરૂ થશે. તેમાં છ ટીમો ભાગ લેશે – ભારત, ઓસ્ટ્રેલિયા, ઈંગ્લેન્ડ, દક્ષિણ આફ્રિકા, શ્રીલંકા અને વેસ્ટ ઈન્ડિઝ. ફાઈનલ 16 માર્ચ 2025ના રોજ રમાશે.
22 ફેબ્રુઆરી, 2025 ના રોજ યોજાનારી શરૂઆતની મેચ એશિયન દિગ્ગજો વચ્ચે રમાશે. શ્રીલંકાના સૌથી સફળ કેપ્ટનોમાંના એક કુમાર સંગાકારાના નેતૃત્વ હેઠળની શ્રીલંકાની ટીમ સામે માસ્ટર બ્લાસ્ટર સચિન તેંડુલકર ભારતીય ટીમનું નેતૃત્વ કરશે. આ મેચ નવી મુંબઈમાં રમાશે. ટુર્નામેન્ટમાં કુલ 18 મેચો રમાશે. પોઈન્ટ ટેબલમાં ટોચની 4 ટીમો વચ્ચે સેમિફાઇનલ રમાશે.
ઇન્ટરનેશનલ માસ્ટર્સ લીગનું સંપૂર્ણ સમયપત્રક:-
સચિન તેંડુલકરે ઉત્સાહ દર્શાવ્યો
પત્રકાર પરિષદમાં બોલતા, સચિન તેંડુલકરે કહ્યું કે, IML ક્રિકેટના અનોખા અને કાયમી વારસાની ઉજવણી હશે. બધી ટીમો સખત મહેનત કરતી વખતે, તીવ્ર અને સ્પર્ધાત્મક લીગમાં મારા સમકાલીન ખેલાડીઓ સાથે મેદાનમાં ઉતરવા માટે હું આતુર છું.
ટીમના કેપ્ટન-
ભારત: સચિન તેંડુલકર
વેસ્ટ ઇન્ડીઝ: બ્રાયન લારા
શ્રીલંકા: કુમાર સંગાકારા
ઓસ્ટ્રેલિયા: શેન વોટસન
ઇંગ્લેન્ડ: ઇયોન મોર્ગન
દક્ષિણ આફ્રિકા: જોન્ટી રોડ્સ
તમે ક્યાં જોઈ શકો છો?
આ ટુર્નામેન્ટ ભારતના બે શહેરોમાં યોજાશે. પાંચ મેચ નવી મુંબઈમાં રમાશે, જ્યારે સેમી ફાઈનલ અને ફાઈનલ સહિત કુલ 13 મેચ રાજકોટમાં રમાશે.
