અફઘાનિસ્તાનના યુવા ઓલરાઉન્ડર અઝમતુલ્લાહ ઉમરઝાઈએ ICCનો મોટો એવોર્ડ જીત્યો છે. આ સાથે, તે ICCનો કોઈપણ વાર્ષિક પુરસ્કાર મેળવનાર પ્રથમ અફઘાન ક્રિકેટર બન્યો છે. જોકે, પહેલો ICC એવોર્ડ અફઘાનિસ્તાન માટે ઓલરાઉન્ડર રાશિદ ખાને જીત્યો હતો. અઝમતુલ્લાહ ઉમરઝાઈ ICC ODI ક્રિકેટર ઓફ ધ યર 2024 બન્યા છે. અઝમતુલ્લાહ ઉમરઝાઈ પહેલા રાશિદ ખાને અફઘાનિસ્તાન માટે ICC એવોર્ડ જીત્યો હતો. તેમને ૨૦૧૦-૧૯ માટે ICC T20I પ્લેયર ઓફ ધ ડિકેડ તરીકે પસંદ કરવામાં આવ્યા હતા.
અઝમતુલ્લાહ ઉમરઝાઈએ 2023 માં શાનદાર પ્રદર્શન કર્યું છે અને 2024 માં વિશ્વના શ્રેષ્ઠ ODI ખેલાડીઓમાંના એક બનવાનું ગૌરવ મેળવ્યું છે. તેણે પોતાની જમણા હાથની ઝડપી બોલિંગ અને બેટિંગથી અફઘાનિસ્તાન ટીમને એક નવા સ્તરે પહોંચાડી દીધી. ૨૪ વર્ષીય ખેલાડીએ છેલ્લા એક વર્ષમાં T20I અને ફ્રેન્ચાઇઝી ક્રિકેટમાં પણ ઘણા પ્રભાવશાળી પ્રદર્શન કર્યા છે, પરંતુ તે ODI ક્રિકેટમાં સૌથી વધુ પ્રભાવશાળી રહ્યો છે. તેણે વર્ષનો અંત તેની ટીમના બીજા સૌથી વધુ રન બનાવનાર ખેલાડી તરીકે કર્યો અને 2024 માં તે અફઘાન ટીમમાં બીજા સૌથી વધુ વિકેટ લેનાર બોલર પણ હતો.
તેમની આગળ બેટિંગમાં ઓપનર રહેમાનુલ્લાહ ગુરબાઝ અને બોલિંગમાં અલ્લાહ ગઝનફર હતા. ગયા વર્ષે અફઘાનિસ્તાને 5 માંથી 4 ODI શ્રેણી જીતી હતી. આ પોતે જ અફઘાનિસ્તાન ટીમ માટે એક મોટી સિદ્ધિ હતી. ઉમરઝાઈની વાત કરીએ તો, તેણે ૧૪ મેચોમાં કુલ ૧૭ વિકેટ લીધી હતી, જ્યારે બેટથી તેણે ૧૪ મેચોમાં ૪૧૭ રન બનાવ્યા હતા. ૨૦૨૪માં તે ટોચના ૧૦ બોલરોમાં સામેલ હતો, જ્યારે ગયા વર્ષે સૌથી વધુ રન બનાવનારાઓની યાદીમાં તે ૧૫મા ક્રમે હતો, પરંતુ તેને આ એવોર્ડ તેના ઓલરાઉન્ડ પ્રદર્શન માટે મળ્યો હતો. રાશિદ ખાનને દાયકા દરમિયાન T20 આંતરરાષ્ટ્રીય ક્રિકેટમાં પ્રભાવશાળી પ્રદર્શન બદલ ICC એવોર્ડ મળ્યો.
