પ્રોટીન પાઉડરનું સેવન સ્વાસ્થ્ય માટે હાનિકારક બની શકે છે, જાણો તેનું સેવન કરવાની સાચી રીત

માર્કેટમાં મળતો પ્રોટીન પાવડર શરીર માટે હાનિકારક હોઈ શકે છે. આજકાલ, કેટલાક યુવાનો અને જીમમાં જતા લોકો પ્રોટીન પાઉડરનું વધુ માત્રામાં સેવન કરે છે. વર્કઆઉટ કર્યા પછી, શરીરમાં સ્નાયુઓ બનાવવા માટે પ્રોટીન જરૂરી છે. પ્રોટીન સપ્લીમેન્ટ્સ આપણા શરીરમાં પ્રોટીનની ઉણપને પૂર્ણ કરવામાં મદદ કરે છે પરંતુ તેનું સેવન ચોક્કસ માત્રામાં જ કરવું જોઈએ. પ્રોટીન પાઉડરનું વધુ પડતું સેવન સ્વાસ્થ્યને નુકસાન પહોંચાડે છે. ચાલો જાણીએ કે પ્રોટીન પાવડર આપણા શરીરને કેવી રીતે નુકસાન કરે છે?

પાચનતંત્ર નબળું પડી જાય છે

વધુ પડતા પ્રોટીન પાવડરનું સેવન કરવાથી પેટની સમસ્યા થઈ શકે છે. વધુ પડતું પ્રોટીન પીવાથી આંતરડામાં રહેલા સારા બેક્ટેરિયા ઓછા થઈ શકે છે. આના કારણે તમને પેટમાં દુખાવો, કબજિયાત અને પાચન સંબંધિત સમસ્યાઓ થઈ શકે છે. વધુમાં, તે ડેરી અસહિષ્ણુતાને પણ પ્રોત્સાહન આપી શકે છે, જેના કારણે તમને દૂધ અથવા અન્ય ડેરી ઉત્પાદનો પચવામાં મુશ્કેલી થાય છે.

ઇન્સ્યુલિન સ્તરમાં વધારો

જિમ જતા લોકો વર્કઆઉટ કર્યા પછી પ્રોટીન પાઉડરનું સેવન કરે છે. પરંતુ શું તમે જાણો છો કે જે પ્રોટીન પાવડરને તમે ફાયદાકારક માની રહ્યા છો તે તમારા માટે નુકસાનકારક સાબિત થઈ શકે છે. પ્રોટીન પાઉડરનું સેવન કરવાથી શરીરમાં ઈન્સ્યુલિનનું સ્તર વધી શકે છે. તેનાથી તમારું સ્વાસ્થ્ય બગડી શકે છે.

કિડની માટે હાનિકારક

પ્રોટીન પાઉડરનું વધુ પડતું સેવન કરવાથી કિડની સંબંધિત રોગોનું જોખમ વધી શકે છે. તેના સેવનથી શરીરમાં યુરિયા વધે છે, જેનાથી કિડની પર વધુ દબાણ આવે છે. દરરોજ પ્રોટીન પાઉડરનું સેવન કરવાથી કિડની નબળી પડી શકે છે અને કિડનીમાં પથરીનું જોખમ પણ વધી જાય છે. એટલું જ નહીં, જરૂરિયાત કરતાં વધુ પ્રોટીન લેવાથી કિડની ફેલ થવાનું જોખમ વધી જાય છે.

પ્રોટીન પાવડર કેટલો લેવો?

જો તમે તમારા આહારમાં સોયાબીન, કઠોળ, ઈંડા અથવા માંસ જેવા પ્રોટીન સ્ત્રોતોનો સમાવેશ કરો છો, તો તમારે દિવસમાં માત્ર 1 થી 2 સ્કૂપ પ્રોટીન પાવડરનું સેવન કરવું જોઈએ. ઘણા સંશોધનો દર્શાવે છે કે દિવસમાં 2 અથવા 3 ચમચી પ્રોટીન પાવડરથી વધુ ખાવાથી શરીરને નુકસાન થઈ શકે છે.