Health Tips: દરરોજ બ્લેક ટી પીવાથી ડાયાબિટીસનો ખતરો ઘણી હદ સુધી ઘટાડી શકાય છે. હેલ્થલાઈન રિપોર્ટ અનુસાર, દરરોજ બ્લેક ટી પીવાથી બ્લડ શુગર લેવલ સુધરે છે. તાજેતરના સંશોધનમાં દાવો કરવામાં આવ્યો છે કે દરરોજ એક કપ ડાર્ક ટી પીવાથી પ્રી-ડાયાબિટીસનું જોખમ 53 ટકા અને ટાઇપ 2 ડાયાબિટીસનું જોખમ 47 ટકા ઘટાડી શકાય છે.
બ્લેક ટીના સેવનથી હૃદયની બીમારીઓનું જોખમ પણ ઘટી શકે છે. બ્લેક ટીમાં હાજર એન્ટી-ઓક્સીડેન્ટ હૃદયના સ્વાસ્થ્યને વધારે છે. આના કારણે લોહીની ધમનીઓમાં ગંઠાઈ જવાનું જોખમ ઘટી જાય છે અને હૃદયને પૂરતા પ્રમાણમાં ઓક્સિજનયુક્ત લોહી મળતું રહે છે. હ્રદયરોગના દર્દીઓને પણ બ્લેક ટી પીવાથી ફાયદો થાય છે.
તમને જાણીને નવાઈ લાગશે કે બ્લેક ટીનું સેવન કરવાથી કેન્સર જેવી જીવલેણ બીમારીઓથી બચી શકાય છે. અમેરિકાની નેશનલ કેન્સર ઇન્સ્ટિટ્યૂટ દ્વારા સંશોધન દર્શાવે છે કે ચામાં રહેલા પોલિફીનોલ્સ ટ્યુમરના વિકાસના જોખમને ઘટાડી શકે છે. ખાસ કરીને બ્લેક ટી સ્તન, ત્વચા, ફેફસાં અને પ્રોસ્ટેટ કેન્સરનું જોખમ ઘટાડવામાં મદદ કરી શકે છે.
ઘણા સંશોધનો દર્શાવે છે કે બ્લેક ટી પીવાથી આપણી રોગપ્રતિકારક શક્તિ મજબૂત થાય છે. બ્લેક ટીમાં ટેનીન અને એલ્કીલામાઈન હોય છે, જે તમારા શરીરને રોગોથી બચાવવામાં મહત્વની ભૂમિકા ભજવે છે. બ્લેક ટીમાં જોવા મળતા તત્વો ઈન્ફલ્યુએન્ઝા અને હેપેટાઈટીસ જેવા વાયરસ સામે લડવામાં મદદ કરી શકે છે.
બ્લેક ટી હાડકા અને મગજ માટે પણ ફાયદાકારક માનવામાં આવે છે. ઘણા સંશોધનોમાં જાણવા મળ્યું છે કે બ્લેક ટી હાડકાની ઘનતામાં સુધારો કરવામાં મદદ કરી શકે છે, રુમેટોઇડ સંધિવાનું જોખમ ઘટાડે છે અને પાર્કિન્સન રોગ સામે રક્ષણ આપે છે. જો કે, આ સંદર્ભે વધુ સંશોધનની જરૂર છે.
