દક્ષિણ કોરિયાના ધારાસભ્યોએ શનિવારે રાષ્ટ્રપતિ યુન સુક યેઓલ વિરુદ્ધ મહાભિયોગ પ્રસ્તાવને મંજૂરી આપી હતી. ગયા અઠવાડિયે લશ્કરી કાયદો લાદવાના પ્રયાસમાં રાષ્ટ્રપતિ નિષ્ફળ ગયા બાદ મહાભિયોગ પ્રસ્તાવ લાવવામાં આવ્યો હતો. 300 સાંસદોમાંથી 204એ રાષ્ટ્રપતિ વિરુદ્ધ મહાભિયોગની તરફેણમાં મતદાન કર્યું જ્યારે 85એ વિરોધ કર્યો. ત્રણ સાંસદો મતદાનથી દૂર રહ્યા હતા. આ દરમિયાન આઠ મત અમાન્ય જાહેર કરાયા હતા. મહાભિયોગના આરોપોમાં રાષ્ટ્રપતિ પર બળવો અને બંધારણીય ફરજોના ઉલ્લંઘનનો આરોપ છે.
આ ઘટનાક્રમે દક્ષિણ કોરિયાના રાજકારણમાં હલચલ મચાવી દીધી છે. આ મહાભિયોગ પ્રસ્તાવ રાષ્ટ્રપતિ વિરુદ્ધ પ્રથમ મોટી કાનૂની કાર્યવાહી તરીકે ઉભરી આવ્યો છે.
રાષ્ટ્રપતિ યુન સુક યેઓલ વિરુદ્ધ આ મહાભિયોગ પ્રસ્તાવ તેમના વહીવટીતંત્ર દ્વારા સત્તાના કથિત દુરુપયોગ અને નાગરિક સ્વતંત્રતાના ઉલ્લંઘન અંગે ઉઠાવવામાં આવેલા પ્રશ્નોના કારણે આવ્યો છે. માર્શલ લૉ લાદવાના પ્રયાસને વિરોધ પક્ષોના જોરદાર વિરોધનો સામનો કરવો પડી રહ્યો હતો. તેમણે કહ્યું કે આનાથી દેશમાં સરમુખત્યારશાહીની સ્થિતિ સર્જાઈ શકે છે.
હવે આ મામલો કોર્ટમાં જશે, જ્યાં મહાભિયોગ પર અંતિમ નિર્ણય લેવામાં આવશે. દક્ષિણ કોરિયાના રાજકારણમાં આ એક મોટો વળાંક હોઈ શકે છે.
