Maldives: માલદીવના વિદેશ પ્રધાન મુસા ઝમીર બુધવારે તેમની પ્રથમ દ્વિપક્ષીય સત્તાવાર મુલાકાતે ભારત જવા રવાના થયા હતા. મંત્રીએ એક એક્સ-પોસ્ટમાં કહ્યું કે તેઓ વિદેશ મંત્રી એસ જયશંકરને મળવા અને બંને દેશો વચ્ચેના સહયોગ અંગે ચર્ચા કરવા આતુર છે.
વિદેશ મંત્રાલયે કહ્યું કે, ઝમીર તેમની મુલાકાત દરમિયાન લાંબા ગાળાની ભાગીદારીને મજબૂત કરવા પર ચર્ચા કરશે. પદ સંભાળ્યા બાદ વિદેશ મંત્રી જમીરની ભારતની આ પ્રથમ સત્તાવાર મુલાકાત છે.
રાષ્ટ્રપતિ મોહમ્મદ મુઇઝુએ ટાપુ રાષ્ટ્રમાં ત્રણ ઉડ્ડયન પ્લેટફોર્મનું સંચાલન કરતા લગભગ 90 ભારતીય સૈન્ય કર્મચારીઓને પરત કરવાનો આગ્રહ કર્યા પછી દ્વિપક્ષીય સંબંધો ગંભીર તણાવમાં આવ્યા હતા.
ભારતના 51 સૈનિકો માલદીવ છોડી ગયા છે
ભારતે તેના મોટાભાગના સૈન્ય કર્મચારીઓને પહેલાથી જ પાછા ખેંચી લીધા છે. મુઈઝુએ તમામ ભારતીય સૈનિકોને પાછા ખેંચવાની અંતિમ તારીખ 10 મે નક્કી કરી હતી. સોમવારે, મુઇઝુના પ્રવક્તાએ જાહેરાત કરી હતી કે 51 ભારતીય સૈન્ય કર્મચારીઓ માલદીવ છોડી ગયા છે અને પુષ્ટિ કરી છે કે બાકીના 10 મે સુધીમાં રવાના થશે.
