માન્ચેસ્ટર જતી ગલ્ફ એર ફ્લાઇટમાં કેટલાક ભારતીય મુસાફરો લગભગ 20 કલાક સુધી કુવૈત એરપોર્ટ પર ફસાયા પછી સોમવારે સવારે તેમના ગંતવ્ય માટે રવાના થયા હતા. બહેરીનથી માન્ચેસ્ટર જતી ગલ્ફ એરની ફ્લાઈટને ટેક્નિકલ ખામીના કારણે કુવૈત ડાયવર્ટ કરવામાં આવી હતી. સમાચાર અનુસાર, ‘ગલ્ફ એર GF5’ એ 1 ડિસેમ્બરે સ્થાનિક સમય અનુસાર સવારે 2:05 વાગ્યે બહેરીનથી ઉડાન ભરી હતી, પરંતુ પ્લેનમાં કોઈ ખામીને કારણે તેને સવારે 4:01 વાગ્યે કુવૈતમાં લેન્ડ કરવું પડ્યું હતું.
સોશિયલ મીડિયા પરની પોસ્ટ્સ અનુસાર, ઘણા મુસાફરોએ ફરિયાદ કરી હતી કે તેઓ કલાકો સુધી એરપોર્ટ પર અટવાયા હતા, જેના પગલે કુવૈતમાં ભારતીય દૂતાવાસે ગલ્ફ એરના અધિકારીઓ સાથે આ મામલો ઉઠાવ્યો હતો.
સોશિયલ મીડિયા પ્લેટફોર્મ ‘X’ પર પોસ્ટ્સની શ્રેણીમાં, દૂતાવાસે કહ્યું કે તેની ટીમ મુસાફરોની મદદ કરવા અને એરલાઇન સાથે સંકલન કરવા એરપોર્ટ પર પહોંચી ગઈ છે. મુસાફરોને એરપોર્ટ પરના બે આરામગૃહોમાં રાખવામાં આવ્યા હતા. એમ્બેસીના જણાવ્યા અનુસાર રેસ્ટ હાઉસમાં મુસાફરો માટે ભોજન અને પાણીની વ્યવસ્થા કરવામાં આવી છે.
દૂતાવાસે એક પોસ્ટમાં જણાવ્યું હતું કે, “આજે સવારે 4.34 કલાકે ગલ્ફ એરની ફ્લાઈટ માન્ચેસ્ટર માટે ઉડાન ભરી હતી. દૂતાવાસની ટીમ રવિવારે ફ્લાઈટના પ્રસ્થાન સુધી ત્યાં હાજર હતી.” મદદ વિના છોડી દેવામાં આવ્યા હતા.
