લેબનોનમાં ઇઝરાયેલ અને હિઝબુલ્લાહ વચ્ચે સંઘર્ષ ચાલુ છે. બંને પક્ષોએ ગયા મહિને યુદ્ધવિરામને મંજૂરી આપતા કરાર પર હસ્તાક્ષર કર્યા હતા, પરંતુ આ કરારનું ખુલ્લેઆમ ઉલ્લંઘન કરવામાં આવી રહ્યું છે. હવે હિઝબુલ્લાએ કહ્યું છે કે તે આ યુદ્ધથી પ્રભાવિત લોકોની મદદ કરશે. હિઝબુલ્લાહે કહ્યું છે કે તેણે યુદ્ધથી પ્રભાવિત પરિવારોને $50 મિલિયનથી વધુ રોકડનું વિતરણ કર્યું છે. હિઝબુલ્લાના વડા નઈમ કાસિમે ગુરુવારે આની જાહેરાત કરી હતી. તેણે ઈરાનનો પણ આભાર માન્યો હતો.
હિઝબુલ્લાના વડાએ રેકોર્ડ કરેલા ભાષણમાં જણાવ્યું હતું કે હિઝબોલ્લાહ લેબનોનમાં યુદ્ધથી પ્રભાવિત દરેક વ્યક્તિને $300 થી $400 નું વળતર ચૂકવશે. હિઝબુલ્લાએ કહ્યું છે કે તે તમામ 2 લાખથી વધુ પરિવારોને રોકડ આપશે જેના પર તે લગભગ 600 કરોડ રૂપિયા ખર્ચ કરશે. હિઝબોલ્લાહ એવા લોકોને $8,000 ની એક સામટી રકમ પણ ચૂકવશે જેમના ઘરો યુદ્ધમાં નાશ પામ્યા હતા. તે બેરૂતમાં અસ્થાયી ઘરોમાં રહેતા લોકો માટે દર વર્ષે $6,000 અને રાજધાનીની બહાર રહેતા લોકો માટે $4,000 ભાડું આપશે. નઈમ કાસિમે ઈરાનનો ફંડિંગ માટે આભાર માન્યો છે. તેણે કહ્યું છે કે ઈરાન આ કામમાં તેમની મદદ કરી રહ્યું છે.
તેમના ભાષણમાં, કાસિમે આરબ દેશો અને આંતરરાષ્ટ્રીય સમુદાયને પુનર્નિર્માણ પ્રક્રિયામાં ભાગ લેવાની અપીલ કરી અને કહ્યું કે હિનબોલ્લાહ લેબનીઝ સરકાર સાથે મળીને કામ કરશે. નોંધનીય છે કે લેબનોનમાં એક વર્ષથી વધુ સમયથી યુદ્ધ ચાલી રહ્યું છે. વિશ્વ બેંકનું કહેવું છે કે સંઘર્ષ દરમિયાન લેબનોનમાં અંદાજે 100,000 ઘરો નાશ પામ્યા છે, જેના કારણે $3.2 બિલિયનનું નુકસાન થયું છે.
