માઈક્રા બ્લોગિંગ સાઈટના માલિક અને વિશ્વના સૌથી અમીર બિઝનેસમેન ઈલોન મસ્કે ભારતની ચૂંટણી પ્રણાલીની પ્રશંસા કરતા અમેરિકાની ચૂંટણી પ્રક્રિયા પર સવાલો ઉઠાવ્યા છે. એક વપરાશકર્તાએ સોશિયલ મીડિયા પર પોસ્ટ કર્યું, જેમાં એક લેખની હેડલાઇન છે. તેમાં લખ્યું છે- ભારતે એક દિવસમાં 64 કરોડ વોટ ગણ્યા. આ કોઈ ચમત્કારથી ઓછું નથી. આ પોસ્ટ પર પ્રતિક્રિયા આપતા ઈલોન મસ્કે ભારતની ચૂંટણી પ્રક્રિયાની પ્રશંસા કરી છે.
આ પોસ્ટનો જવાબ આપતા ઈલોન મસ્કે લખ્યું, ‘ભારતમાં એક દિવસમાં 64 કરોડ વોટની ગણતરી કરવામાં આવી હતી… પરંતુ કેલિફોર્નિયામાં હજુ પણ વોટની ગણતરી ચાલુ છે.’ અમેરિકામાં રાષ્ટ્રપતિ પદ માટેની ચૂંટણીને 2 અઠવાડિયાથી વધુ સમય વીતી ગયો છે, પરંતુ હજુ સુધી મત ગણતરી પૂર્ણ થઈ નથી. એક સોશિયલ મીડિયા યુઝરે આ અંગે પોસ્ટ પણ કરી હતી. આ પોસ્ટ પર પણ પ્રતિક્રિયા આપતા મસ્કે તેને ‘દુઃખ’ ગણાવ્યું હતું.
અમેરિકામાં રાષ્ટ્રપતિની ચૂંટણીમાં ડોનાલ્ડ ટ્રમ્પને વિજયી જાહેર કરવામાં આવ્યા છે, પરંતુ કેલિફોર્નિયામાં હજુ સુધી તમામ બેલેટ પેપરની ગણતરી થઈ નથી. કેલિફોર્નિયામાં 1.6 કરોડ લોકોએ મતદાન કર્યું. જેમાં પણ મોટી સંખ્યામાં લોકોએ ટપાલ દ્વારા મતદાન કર્યું હતું.
