શુક્રવારે બપોરે થાઇલેન્ડની રાજધાની બેંગકોકમાં 7.7 ની તીવ્રતાના ભૂકંપ બાદ નિર્માણાધીન એક બહુમાળી ઇમારત ધરાશાયી થઈ ગઈ. પોલીસે આ માહિતી આપી. સોશિયલ મીડિયા પર વાયરલ થયેલા એક વીડિયોમાં ધૂળના વાદળો વચ્ચે એક બહુમાળી ઇમારત ધરાશાયી થતી દેખાઈ રહી છે, જ્યારે અંદરના લોકો ચીસો પાડતા ભાગી રહ્યા છે. પોલીસે એસોસિએટેડ પ્રેસને જણાવ્યું હતું કે તેઓ બેંગકોકના ચતુચક માર્કેટ નજીક, ધસી પડવાના સ્થળે બચાવ કામગીરી હાથ ધરી રહ્યા હતા, અને હજુ સુધી ખબર નથી કે જ્યારે ઇમારત ધરાશાયી થઈ ત્યારે ત્યાં કેટલા કામદારો હતા.
શુક્રવારે બેંગકોકમાં 7.7 ની તીવ્રતાનો શક્તિશાળી ભૂકંપ આવ્યો હતો, જેના કારણે ઇમારતો ધ્રુજી ઉઠી હતી. પ્રારંભિક અહેવાલો અનુસાર, યુએસ ભૂસ્તરશાસ્ત્રીય સર્વેક્ષણ અને જર્મનીના GFZ ભૂસ્તરશાસ્ત્રીય કેન્દ્રએ જણાવ્યું હતું કે ભૂકંપ બપોરના સમયે 10 કિલોમીટર (6.2 માઇલ) ની ઊંડાઈએ આવ્યો હતો, જેનું કેન્દ્ર પડોશી દેશ મ્યાનમારમાં હતું.
Oh God Please 🙏🙏
please pray for #Myanmar an #Earthquake of 7.9 mg 😰hit #Bankok city which crum the tallest building into rubbles 🤯#CSKvsRCB #Krrish4 #MamataBanerjee #LokSabha #Nifty #Krrish4 #Zomato #cskvsrcbtickets #Tejran pic.twitter.com/FeyT0v98kW
— Melawan (@melawanshwa) March 28, 2025
ગ્રેટર બેંગકોક વિસ્તારમાં ૧૭ કરોડથી વધુ લોકોની વસ્તી છે, જેમાંથી ઘણા લોકો બહુમાળી ઇમારતોમાં રહે છે. બપોરે લગભગ ૧.૩૦ વાગ્યે ભૂકંપ આવ્યો ત્યારે ઇમારતોમાં એલાર્મ વાગવા લાગ્યા અને ગીચ વસ્તીવાળા મધ્ય બેંગકોકમાં બહુમાળી ઇમારતો અને હોટલોમાંથી લોકોને બહાર કાઢવામાં આવ્યા.
ભૂકંપ એટલો શક્તિશાળી હતો કે કેટલીક ઊંચી ઇમારતોના આંતરિક ભાગમાં ‘સ્વિમિંગ પુલ’ જેવા પાણીમાં મોજા ઉછળતા જોવા મળ્યા. ભૂકંપનું કેન્દ્રબિંદુ મધ્ય મ્યાનમારમાં હતું, જે મોનીવા શહેરથી લગભગ 50 કિલોમીટર (30 માઇલ) પૂર્વમાં હતું. મ્યાનમારમાં ભૂકંપની અસરના તાત્કાલિક કોઈ સમાચાર નથી.
