Statue of Unity
Guajrat News:વડોદરાથી સ્ટેચ્યુ ઓફ યુનિટીને જોડતો રસ્તો ભારે વરસાદને કારણે તૂટી ગયો હતો. જેના કારણે એક તરફનો રસ્તો વાહન વ્યવહાર માટે બંધ કરી દેવામાં આવ્યો છે. મુશળધાર વરસાદ અને ડેમમાંથી છોડવામાં આવતા પાણીને કારણે રોડને નુકસાન થવાની આશંકા છે. રોડ એવી રીતે ક્ષતિગ્રસ્ત છે કે તેને ફરીથી બનાવવામાં કેટલાક મહિનાઓ લાગી શકે છે. વરસાદ બંધ થયા બાદ જ રોડ બનાવવાની કામગીરી શરૂ કરવામાં આવશે. સ્થાનિક ધારાસભ્યે અહી જલ્દી કામ કરાવવા જણાવ્યું છે.
વડાપ્રધાન બનતા પહેલા નરેન્દ્ર મોદીએ ભારતના લોખંડી પુરુષ સરદાર પટેલની સૌથી મોટી પ્રતિમા બનાવવાનું સપનું જોયું હતું. ગુજરાતના મુખ્યમંત્રી હતા ત્યારે નરેન્દ્ર મોદીએ વર્ષ 2013માં તેનો શિલાન્યાસ કર્યો હતો અને પીએમ બન્યા બાદ વર્ષ 2018માં તેમણે વિશ્વની સૌથી ઊંચી પ્રતિમા તરીકે સ્ટેચ્યુ ઓફ યુનિટીને દેશને સમર્પિત કરી હતી. વિશ્વની સૌથી ઊંચી પ્રતિમા અંદાજે રૂ. 2989 કરોડમાં પૂર્ણ કરવામાં આવી હતી. આ પ્રતિમા બન્યા બાદ સ્થાનિક લોકોને રોજગારીની તકો મળી અને ગુજરાત અને દેશના પ્રવાસીઓને પણ નવું પ્રવાસન સ્થળ મળ્યું.
Statue of Unity
કેટલા પ્રવાસીઓ ક્યારે આવ્યા?
વર્ષ 2018માં 4.53 લાખ
વર્ષ 2019માં 27.45 લાખ
વર્ષ 2020 માં 12.81 લાખ (કોવિડ સમય)
વર્ષ 2021માં 34.29 લાખ
વર્ષ 2022માં 41.32 લાખ
વર્ષ 2023માં 31.92 લાખ
ગુજરાતના તત્કાલિન મુખ્યમંત્રી નરેન્દ્ર મોદીએ વર્ષ 2010માં નર્મદા જિલ્લાના કેવડિયામાં સ્ટેચ્યુ ઓફ યુનિટીના નિર્માણની જાહેરાત કરી હતી, ત્યારબાદ વર્ષ 2018માં આ પ્રતિમા દેશને સમર્પિત કરવામાં આવી હતી. સ્ટેચ્યુ ઓફ યુનિટીના નિર્માણ બાદ એક પછી એક 26 નવા પ્રોજેક્ટ બનાવવામાં આવ્યા અને કેવડિયા પણ હવે એકતા નગર બની ગયું છે.
આ પણ વાંચો – Guajrat News: ગુજરાતમાં પૂરના કારણે હાહાકાર મચ્યો, લોકોને આ રીતે બચાવવામાં આવી રહ્યા છે
