GSEB SSC Result 2024: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ આજે GSEB ધોરણ 10નું પરિણામ જાહેર કર્યું છે. બોર્ડની પરીક્ષામાં હાજર રહેલા વિદ્યાર્થીઓ સત્તાવાર વેબસાઇટ-(gseb.org.) દ્વારા તેમનું પરિણામ ચકાસી શકે છે. ગુજરાત બોર્ડ ધોરણ 10 નું પરિણામ ડાઉનલોડ કરવા માટે, વિદ્યાર્થીઓએ ઉલ્લેખિત ઓનલાઈન પોર્ટલમાં તેમનો સીટ નંબર દાખલ કરવાની જરૂર છે.
આ વર્ષે, GSEB 10મીની પરીક્ષા 11 માર્ચથી 22 માર્ચ, 2024 દરમિયાન રાજ્યભરમાં બહુવિધ પરીક્ષા સ્થળોએ લેવામાં આવી હતી. તમને જણાવી દઈએ કે કોઈપણ વિષયમાં લાયકાત મેળવવા માટે વિદ્યાર્થીઓએ ન્યૂનતમ ગ્રેડ (33%) મેળવવો જરૂરી છે. માધ્યમિક પ્રમાણપત્ર માટે પાત્ર બનવા માટે, વિદ્યાર્થીએ તમામ વિષયોમાં ઓછામાં ઓછો ‘ડી’ ગ્રેડ મેળવવો આવશ્યક છે.
આ વર્ષે પાસની ટકાવારી 82.56% નોંધાઈ છે. જેમાં છોકરીઓની પાસ થવાની ટકાવારી 86.69% અને છોકરાઓની પાસ થવાની ટકાવારી 79.12% રહી છે.
આ વર્ષે આ પરીક્ષા માટે 7,07,370 વિદ્યાર્થીઓએ રજીસ્ટ્રેશન કરાવ્યું હતું, જેમાંથી 6,99,598 વિદ્યાર્થીઓએ પરીક્ષા આપી હતી. તેમાંથી 5,77,556 વિદ્યાર્થીઓ સફળતાપૂર્વક પાસ થયા છે.
પરિણામ કેવી રીતે તપાસવું?
- GSEB 10મું પરિણામ 2024 ડાઉનલોડ કરવા માટે વિદ્યાર્થીઓ આ પગલાંને અનુસરી શકે છે:
- સૌ પ્રથમ ઉમેદવારો સત્તાવાર વેબસાઇટ-(www.gseb.org.) પર જાઓ.
- હોમપેજ પર ગુજરાત બોર્ડ SSC પરિણામ 2024 લિંક પર ક્લિક કરો.
- સીટ નંબર અને કેપ્ચા કોડ દાખલ કરો.
- સબમિટ બટન પર ક્લિક કરો.
- હવે સ્ક્રીન પર GSEB SSC પરિણામ 2024 ગુજરાત બોર્ડ પ્રદર્શિત થશે
