ગુજરાતના સુરત શહેરમાં ભગવાન ગણેશના પંડાલ પર પથ્થરમારો કર્યા બાદ હવે ભરૂચ શહેરમાં ધાર્મિક ધ્વજ લગાવવાને લઈને બે સમુદાયો વચ્ચે અથડામણ થઈ છે. બે સમુદાયો વચ્ચે થયેલી હિંસક અથડામણમાં બે લોકો ઘાયલ થયા છે. પોલીસે કેસ નોંધ્યો છે અને અન્ય સમુદાયના 17 લોકોની અટકાયત કરી છે.
ગુજરાતના ભરૂચ શહેરના એક વિસ્તારમાં ધાર્મિક ઝંડા લગાવવાના મુદ્દે બે સમુદાયના લોકો વચ્ચે હિંસક અથડામણ થઈ હતી, જેમાં બે લોકો ઘાયલ થયા હોવાનું પોલીસે બુધવારે જણાવ્યું હતું. તેમણે કહ્યું કે ગોકુલ નગર વિસ્તારમાં મંગળવારે રાત્રે બનેલી ઘટનાના સંબંધમાં 17 લોકોની અટકાયત કરવામાં આવી છે. પોલીસે ઘટના સ્થળે પહોંચીને તોફાનીઓને વિખેર્યા હતા. હાલ સ્થિતિ નિયંત્રણમાં છે.
ધ્વજને લઈને હોબાળો,
ભરૂચના પોલીસ અધિક્ષક મયુર ચાવડાએ જણાવ્યું હતું કે બંને પક્ષના લોકો મોટી સંખ્યામાં એકઠા થયા હતા અને પછી એકબીજા પર પથ્થરમારો કર્યો હતો. પથ્થરમારામાં બે લોકો ઘાયલ થયા હતા અને ત્યાં પાર્ક કરેલા કેટલાક વાહનોને નુકસાન થયું હતું. ચાવડાએ જણાવ્યું હતું કે એક સમુદાયના સભ્યો દ્વારા આપવામાં આવેલી ફરિયાદના આધારે પોલીસે એફઆઈઆર નોંધી હતી અને હિંસામાં સામેલ અન્ય સમુદાયના 17 લોકોની અટકાયત કરી હતી. હાલમાં સ્થિતિ નિયંત્રણમાં છે. “( flag in bharuch)
અધિકારીએ જણાવ્યું કે મંગળવારે રાત્રે ગોકુલ નગરમાં બે અલગ-અલગ ધર્મના લોકો વચ્ચે વિસ્તારમાં ધાર્મિક ઝંડા લગાવવાના મુદ્દે વિવાદ થયો હતો. અમારી ટીમે તાત્કાલિક સ્થળ પર પહોંચીને ભીડને વિખેરી નાખી હતી. ગોકુલ નગર મિશ્ર વસ્તી ધરાવતો વિસ્તાર છે. પરિસ્થિતિ ત્યારે તંગ બની ગઈ જ્યારે એક સમુદાયના કેટલાક સભ્યોએ આગામી ઈદ-એ-મિલાદને ધ્યાનમાં રાખીને રાત્રે આ વિસ્તારમાં ધાર્મિક ઝંડા અને બેનરો લગાવવાનું શરૂ કર્યું. gujarat news
તમને જણાવી દઈએ કે રવિવારે ગુજરાતના સુરત શહેરમાં આવી જ એક ઘટના બની હતી. અહીં ભગવાન ગણેશના પંડાલ પર કેટલાક લોકોએ પથ્થરમારો કર્યા બાદ હિંસક અથડામણ થઈ હતી. પોલીસે બાદમાં 27 લોકોની ધરપકડ કરી હતી અને છ સગીરોની અટકાયત કરી હતી.
અમદાવાદીઓ આનંદો! કરાશે ગાંધીનગરની મેટ્રોનો શુભારંભ, શું હશે ભાડું?
