તા. 16.10.2024, બુધવારે વહેલી સવારે 06.15 કલાકે રાજકોટ સાયકલ ક્લબ અને રોટરી કલબ ઓફ રાજકોટ મિડ ટાઉન તરફથી આપણાં રાજકોટના નાગરિકોને દેશના મહામાનવ સ્વર્ગસ્થ રતન તાતાને એક અનોખી સાયકલ રાઈડ કરી શ્ર્દ્ધાંજલી આપવા હાર્દિક આમંત્રણ છે.
સ્ટાર્ટ પોઈન્ટ:
સરદાર સરોવર ડેમ રેપ્લિકા, બહુમાળી ભવન, રેસકોર્સ, રાજકોટ
રુટ:
રેસકોર્સ – યાગ્નિક રોડ – એસટી સ્ટેન્ડ – મક્કમ ચોક – ટાગોર માર્ગ – લક્ષ્મીનગર અંડર પાસ – નાના મવા રોડ – મોકાજી સર્કલ – ક્રિસ્ટલ મોલ અને અંતે કેકેવી હોલ (રાઈડ પૂરી)
‘શ્રી રતન તાતા સ્વદેશી તકનીકી ઉપલબ્ધીઓ અને તાતા કંપનીની શાખ ઉપરાંત વિનામુલ્યે સારવાર આપતી તાતા મેમોરિયલ કેન્સર હોસ્પિટલ જેવાં તેમનાં સત્કાર્યો ને લીધે સમગ્ર જીવન દરમ્યાન દેશવાસીઓના હ્રદય-મન પર છવાયેલા રહ્યા. તેમના સ્વર્ગવાસથી સમગ્ર દેશ ગમગીન છે. ભલે આપણે કદી તેમને મળ્યા નહોતા પણ છતાંય તેમનાં જવાથી ઉદાસીનતા મહેસૂસ કરી રહ્યા છીએ. અનોખા રતનની આ એક અનેરી છાપ હતી. તેમનાં મૂક પ્રાણીઓ પ્રત્યેના પ્રેમથી માંડીને ઉદારતાથી દાન કરવાની તેમની ભાવના તેમની મહાનતા દર્શાવે છે
તેમનાં જીવન -કવને સમાજને દર્શાવ્યું કે ખરો ઉદ્યોગ સાહસિક એ છે કે જે વંચિતો, જરૂરિયાતમંદો અને મૂક પ્રાણીઓ માટે પોતાની અસીમિત મૂડીનો સદુપયોગ કરે. સ્વર્ગસ્થ રતન તાતાના આત્માને ઈશ્વર શાંતિ આપે એ જ પ્રાર્થના. સ્વર્ગસ્થના સદગુણોનો વારસો તેમની સ્થાપેલી સંસ્થાઓ તેમ જ, તેમણે જે માનવીય મૂલ્યો સ્થાપિત કર્યા એ મારફત હંમેશાંને માટે જીવંત રહેશે.
આવો સાથે મળીને એક મહામાનવને અંજલિ આપીએ.
આ પણ વાંચો – ગુજરાતમાં ડ્રગ્સના મોટા રેકેટનો પર્દાફાશ, 5000 કરોડનું કોકેન ઝડપાયું, જાણો સમગ્ર મામલો
