Loksabha Election 2024: મહારાષ્ટ્રમાં આજે લોકસભા ચૂંટણી 2024ના ત્રીજા તબક્કા માટે મતદાન ચાલી રહ્યું છે. આ દરમિયાન એક મતદારે ઈવીએમ મશીનને આગ ચાંપી દીધી છે. મતદાન મથક પર હાજર અધિકારીઓએ યુવકને પોલીસને હવાલે કર્યો હતો. સાંગોલા તાલુકાના બાદલવાડીમાં આ ઘટના પ્રકાશમાં આવી છે.
યુવકને પોલીસને હવાલે કર્યો હતો
મહારાષ્ટ્રમાં વોટિંગ દરમિયાન એક યુવકે ઈવીએમને આગ લગાવી દીધી છે. આનો એક વીડિયો પણ સામે આવ્યો છે. ઈવીએમમાં આગ લાગવાનું ચોક્કસ કારણ હજુ સુધી બહાર આવ્યું નથી. આ ઘટના માધા મતવિસ્તારમાં બની હતી. આ ઘટના બપોરે ત્રણ વાગ્યે બની હતી. આ ઘટનામાં બે ઈવીએમ અને મતદાન સંબંધિત ટેકનિકલ સામગ્રી બળી ગઈ હતી.
EVM સળગાવવાનો વીડિયો વાયરલ થયો
મીડિયા રિપોર્ટ્સ અનુસાર, એક મતદારે ઈલેક્ટ્રોનિક વોટિંગ મશીન (EVM) પર પેટ્રોલ રેડીને તેને આગ લગાવી દીધી. આ ઘટનાનો વીડિયો સોશિયલ મીડિયા પર વાયરલ થયો છે. વીડિયોમાં એક વ્યક્તિ ઈવીએમમાં લાગેલી આગને પાણીથી ઓલવવાનો પ્રયાસ કરતો જોવા મળી રહ્યો છે, જ્યારે લોકો મતદાન મથકની અંદર અને બહાર અવાજ કરી રહ્યા છે. ઘટનાને કારણે નવું મશીન આવે ત્યાં સુધી થોડો સમય મતદાન અટકાવવું પડ્યું હતું. ઘટના બાદ ભારે પોલીસ બંદોબસ્ત ગોઠવી દેવામાં આવ્યો હતો.
સોલાપુરમાં, મહારાષ્ટ્રના પૂર્વ મુખ્યમંત્રી સુશીલ કુમાર શિંદેની પુત્રી અને સોલાપુર સિટી સેન્ટ્રલ મતવિસ્તારમાંથી ત્રણ વખત ધારાસભ્ય રહી ચૂકેલા પ્રણિતી શિંદે કોંગ્રેસના ઉમેદવાર છે. આ દિગ્ગજોએ નાયબ મુખ્ય પ્રધાન અને રાષ્ટ્રવાદી કોંગ્રેસ પાર્ટી (NCP)ના વડા અજિત પવાર, તેમની પત્ની સુનેત્રા પવાર, તેમની માતા આશા પવારે બારામતીમાં મતદાન કર્યું હતું. આ સિવાય શરદ પવાર, તેમની પુત્રી સુપ્રિયા સુલે અને અન્ય ઘણા દિગ્ગજ નેતાઓએ પણ મતદાન કર્યું છે.
