ભારતમાં સૌથી વધુ રોકાણ ક્યાંથી આવે છે? ભારતીય અર્થતંત્રને આગળ વધારવા માટે આ પ્રશ્નનો જવાબ જાણવો ખૂબ જ જરૂરી છે. રિઝર્વ બેંક ઓફ ઈન્ડિયા (RBI) એ દેશમાં થઈ રહેલા ટોચના FDI (ફોરેન ડાયરેક્ટ ઈન્વેસ્ટમેન્ટ)ની યાદી બહાર પાડી છે. આ યાદીમાં પ્રથમ નામ યુનાઈટેડ સ્ટેટ્સ ઓફ અમેરિકા (યુએસએ)નું છે. હા, મોટાભાગે અમેરિકન લોકો ભારતમાં રોકાણ કરે છે. અમેરિકા પછી સૌથી વધુ એફડીઆઈ મોરેશિયસ, સિંગાપોર અને યુકેમાંથી ભારતમાં આવે છે.
RBIએ રિપોર્ટ રજૂ કર્યો
RBI એ 2023-24 માટે ફોરેન લાયબિલિટીઝ એન્ડ એસેટ્સ ઓફ ઇન્ડિયા ડાયરેક્ટ ઇન્વેસ્ટમેન્ટ એન્ટિટીઝ રિપોર્ટ બહાર પાડ્યો છે. આ રિપોર્ટ અનુસાર, 41,653 એન્ટિટીમાંથી 37,407 એન્ટિટીએ માર્ચ 2024 સુધી બેલેન્સ શીટની વિગતો આપી હતી. આ સંસ્થાઓએ FDI અને ODI સંબંધિત માહિતી RBIને આપી હતી.
FDIનું બજાર મૂલ્ય વધ્યું
આરબીઆઈનું કહેવું છે કે માર્ચ 2024ના અંત સુધીમાં 97 ટકા કંપનીઓએ જવાબ આપ્યો હતો. આ મુજબ મોટાભાગની કંપનીઓએ ભારતમાં FDI દ્વારા રોકાણ કર્યું છે. જ્યારે બિન-નાણાકીય કંપનીઓએ લગભગ 90 ટકા FDI ઇક્વિટી લીધી છે. RBI અનુસાર, 2023-24માં ભારતના કુલ FDIના બજાર મૂલ્યમાં 23.3 ટકાનો વધારો જોવા મળ્યો છે. આ સિવાય ODIની વૃદ્ધિ માત્ર 3.4 ટકા રહી છે.
FDI મેળવતા ટોચના 3 રાજ્યો
તમને જણાવી દઈએ કે નાણાકીય વર્ષ 2024-25ના એપ્રિલથી જૂન વચ્ચેના પ્રથમ ત્રિમાસિક ગાળામાં ભારતમાં કરોડો રૂપિયાનું એફડીઆઈ આવ્યું છે. મહારાષ્ટ્રમાં સૌથી વધુ FDI આવ્યું છે. 70,795 કરોડ સાથે મહારાષ્ટ્ર ટોચ પર છે. FDIના સંદર્ભમાં કર્ણાટક રૂ. 19,059 કરોડ સાથે બીજા સ્થાને અને રાજધાની દિલ્હી રૂ. 10,788 કરોડ સાથે ત્રીજા સ્થાને છે.
આ પણ વાંચો –બટાકા, ડુંગળી અને ટામેટાંના ભાવમાં થયો ઉછાળો , ક્યારે મળશે મોંઘવારીમાંથી રાહત?
