Reserve Bank of India : ફેમિલી પેન્શનરોની ફરિયાદોના નિરાકરણ માટે કેન્દ્રીય કર્મચારી રાજ્ય મંત્રી જિતેન્દ્ર સિંહ સોમવારે એક વિશેષ અભિયાન શરૂ કરશે. કર્મચારી મંત્રાલયના જણાવ્યા અનુસાર, હાલમાં ઓનલાઈન પેન્શન ફરિયાદ અને નિવારણ સિસ્ટમ (CPENGRAMS) પર દર વર્ષે લગભગ 90 હજાર કેસ નોંધાઈ રહ્યા છે.
પેન્શનરો માટે સરકારની શું તૈયારી છે?
મંત્રાલયના નિવેદનમાં કહેવામાં આવ્યું છે કે કુલ ફરિયાદોમાંથી 20-25 ટકા ફેમિલી પેન્શન સંબંધિત ફરિયાદો છે. નિવેદનમાં કહેવામાં આવ્યું છે કે ફેમિલી પેન્શનરોની ફરિયાદોનો મોટો ભાગ મહિલા પેન્શનરોની છે. મોટાભાગની ફરિયાદો સંરક્ષણ પેન્શનરો, રેલવે પેન્શનરો અને કેન્દ્રીય ગૃહ મંત્રાલય હેઠળના સેન્ટ્રલ આર્મ્ડ પોલીસ ફોર્સિસ (CAPF) પેન્શનરોને લગતી છે.
ઘરે બેસીને કરી શકો છો ફરિયાદ, જાણો કેવી રીતે
એવું કહેવામાં આવી રહ્યું છે કે બેંક સંબંધિત મામલાઓ પણ મોટી સંખ્યામાં છે. પેન્શન અને પેન્શનર્સ કલ્યાણ વિભાગ (DOPPW) તેના 100-દિવસીય કાર્ય યોજના હેઠળ 1-31 જુલાઈ દરમિયાન કુટુંબ પેન્શનરોની ફરિયાદોના અસરકારક નિવારણ માટે એક વિશેષ અભિયાન ચલાવશે જેમાં 46 મંત્રાલયો, વિભાગો ભાગ લેશે. આ વિશેષ ઝુંબેશનો ઉદ્દેશ્ય ફેમિલી પેન્શનની ફરિયાદોની પેન્ડન્સીમાં નોંધપાત્ર ઘટાડો કરવાનો છે. અરજદાર સીધી પોર્ટલ પર અથવા ઈ-મેલ, પોસ્ટ અથવા ટોલ ફ્રી નંબર દ્વારા ફરિયાદો નોંધાવી શકે છે.
