યુનાઇટેડ ફોરમ ઓફ બેંક યુનિયન્સ (UFBU) એ ગુરુવારે જાહેરાત કરી હતી કે તેમની બે દિવસીય દેશવ્યાપી હડતાળ 24 અને 25 માર્ચના રોજ નિર્ધારિત સમયપત્રક મુજબ ચાલુ રહેશે. ઇન્ડિયન બેંક્સ એસોસિએશન (IBA) સાથે થયેલી વાટાઘાટોમાં કોઈ સકારાત્મક પરિણામ ન આવતાં આ નિર્ણય લેવામાં આવ્યો છે. UFBU ના સભ્યોએ IBA ને વિવિધ મુદ્દાઓ પર ચર્ચા કરવા માટે મળ્યા હતા, જેમાં તમામ કેડરમાં ભરતી અને પાંચ દિવસના કાર્યકારી સપ્તાહ જેવી માંગણીઓનો સમાવેશ થાય છે.
NCBE જનરલ સેક્રેટરીએ માહિતી આપી
નેશનલ કોન્ફેડરેશન ઓફ બેંક એમ્પ્લોયીઝ (NCBE) ના જનરલ સેક્રેટરી એલ ચંદ્રશેખરે જણાવ્યું હતું કે આ મુખ્ય મુદ્દાઓનો કોઈ ઉકેલ મળ્યો નથી. નવ બેંક કર્મચારી યુનિયનોની છત્ર સંસ્થા UFBU એ આ માંગણીઓ પર હડતાળની જાહેરાત કરી દીધી છે. આમાં જાહેર ક્ષેત્રની બેંકોમાં કર્મચારી અને અધિકારી નિર્દેશકોની જગ્યાઓ ભરવાની માંગનો પણ સમાવેશ થાય છે.
યુનિયને આ માંગણી રજૂ કરી
આ ઉપરાંત, યુનિયને નાણાકીય સેવાઓ વિભાગ (DFS) ના તાજેતરના નિર્દેશોને પાછા ખેંચવાની પણ માંગ કરી છે. તેમનું કહેવું છે કે આ નિર્દેશો કર્મચારીઓની નોકરીની સુરક્ષા માટે ખતરો છે. ઉપરાંત, તેની કર્મચારીઓ પર પ્રતિકૂળ અસર પડશે. UFBU એ DFS દ્વારા જાહેર ક્ષેત્રની બેંકોના “માઈક્રો-મેનેજમેન્ટ” સામે પણ વિરોધ દર્શાવ્યો છે, અને કહ્યું છે કે તે બેંક બોર્ડની સ્વાયત્તતાને નબળી પાડી રહ્યું છે.
અન્ય માંગણીઓમાં IBA સાથેના બાકીના મુદ્દાઓનું નિરાકરણ, ગ્રેચ્યુઇટી એક્ટમાં સુધારો અને મર્યાદા વધારીને 25 લાખ રૂપિયા કરવાનો સમાવેશ થાય છે. આ ઉપરાંત આવકવેરામાં મુક્તિની પણ માંગ કરવામાં આવી છે. UFBU માં ઓલ ઈન્ડિયા બેંક એમ્પ્લોઈઝ એસોસિએશન (AIBEA), ઓલ ઈન્ડિયા બેંક ઓફિસર્સ કન્ફેડરેશન (AIBOC), નેશનલ કોન્ફેડરેશન ઓફ બેંક એમ્પ્લોઈઝ (NCBE) અને ઓલ ઈન્ડિયા બેંક ઓફિસર્સ એસોસિએશન (AIBOA) જેવા મુખ્ય બેંક યુનિયનો શામેલ છે.
