ભારતીય કાર બજારમાં ફરી એકવાર ડિસ્કાઉન્ટનો મેળો જામ્યો છે. કાર કંપનીઓ હાલમાં મુશ્કેલ સમયમાંથી પસાર થઈ રહી છે. વાહનોનો જૂનો સ્ટોક (વર્ષ ૨૦૨૪) હજુ સુધી ક્લિયર કરવામાં આવ્યો નથી. જૂની ઇન્વેન્ટરી કોઈપણ કિંમતે સાફ કરવી મહત્વપૂર્ણ છે, નહીં તો પછીથી તેને વેચવી વધુ મુશ્કેલ બની જશે. ફેબ્રુઆરીમાં, વેચાણ સુગમ રહે તે માટે કારના નવા અને જૂના મોડેલ પર ડિસ્કાઉન્ટ આપવામાં આવી રહ્યું છે. જો તમે આ મહિને Tata Curvv ખરીદવાનું વિચારી રહ્યા છો, તો આ તક તમારા માટે ખૂબ જ સારી સાબિત થઈ શકે છે. આ સમયે આ કાર પર ખૂબ જ સારું ડિસ્કાઉન્ટ ઉપલબ્ધ છે.
પ્રથમ વખત Tata Curvv પર ડિસ્કાઉન્ટ
ટાટા મોટર્સે 2024 માં તેની પહેલી કૂપ SUV કર્વ લોન્ચ કરી હતી, પરંતુ તેનું વેચાણ સતત ઘટી રહ્યું છે. આ કાર ગ્રાહકોને એટલી પસંદ ન આવી જેટલી કંપનીએ અપેક્ષા રાખી હતી. તેથી, કંપનીએ પહેલીવાર આ કાર પર ડિસ્કાઉન્ટ ઓફર કર્યું છે જેથી તેનું વેચાણ વધારી શકાય. માહિતી અનુસાર, આ મહિને Tata Curvv Coupe પર 50,000 રૂપિયા સુધીનું ડિસ્કાઉન્ટ આપવામાં આવી રહ્યું છે. આ ડિસ્કાઉન્ટ કર્વના ICE અને EV વર્ઝન પર ઉપલબ્ધ છે.
સૌથી વધુ ડિસ્કાઉન્ટ હાલમાં ટાટા કર્વના ICE વર્ઝન પર આપવામાં આવી રહ્યું છે. આ મહિને કર્વના 2024 મોડેલ પર 50,000 રૂપિયા સુધીની બચત કરી શકાય છે. જ્યારે આ મહિને તેના 2025 મોડેલ પર 20,000 રૂપિયા સુધીનું ડિસ્કાઉન્ટ આપવામાં આવી રહ્યું છે. તે જ સમયે, કર્વના ઇલેક્ટ્રિક વર્ઝન પર આ મહિને 20,000 રૂપિયા સુધીની બચત કરી શકાય છે.
Tata Curvv કિંમત
ટાટા કર્વ ICE વર્ઝનની એક્સ-શોરૂમ કિંમત 9.99 લાખ રૂપિયાથી 19.19 લાખ રૂપિયા સુધીની છે. તેના EV વર્ઝનની એક્સ-શોરૂમ કિંમત 17.49 લાખ રૂપિયાથી 21.99 લાખ રૂપિયા સુધીની છે.
