મહિન્દ્રા સ્કોર્પિયો કરતા પણ મોંઘી છે આ ઈલેક્ટ્રિક બાઇક, કિંમત જાણીને તમને વિશ્વાસ નહીં આવે

રેનોએ પેરિસ મોટર શોમાં 4 ઇ-ટેક ઇલેક્ટ્રિક કાર રજૂ કરી છે. માત્ર રેનોની ઈલેક્ટ્રિક કાર જ નહીં પરંતુ અન્ય પ્રોડક્ટ્સે પણ ઓટો ઈન્ડસ્ટ્રીનું ધ્યાન ખેંચ્યું છે. આ મોટર શોમાં, રેનોએ હેરિટેજ સ્પિરિટ સ્ક્રેમ્બલરનું પણ પ્રદર્શન કર્યું, જે એક ઇલેક્ટ્રિક મોટરસાઇકલ છે. આ EVની કિંમત 23,340 યુરો છે, જેને ભારતીય ચલણમાં કન્વર્ટ કરવામાં આવે તો લગભગ 21.2 લાખ રૂપિયા થાય છે. જ્યારે ભારતમાં ઉપલબ્ધ Mahindra Scorpio Nની કિંમત આ EV કરતાં ઓછી છે. સ્કોર્પિયોની એક્સ-શોરૂમ કિંમત 13.85 લાખ રૂપિયાથી શરૂ થાય છે અને 24.54 લાખ રૂપિયા સુધી જાય છે.

રેનો ઇલેક્ટ્રિક મોટરસાઇકલ

રેનો ઇલેક્ટ્રિક મોટરસાઇકલને ફ્રેન્ચ સ્ટાર્ટ-અપ કંપની એટેલિયર્સ હેરિટેજ બાઇક્સ દ્વારા બનાવવામાં આવી છે. આ ઇલેક્ટ્રિક મોટરસાઇકલની કિંમત ભારતમાં ઉપલબ્ધ EV કરતાં ઘણી વધારે છે. પરંતુ આ બાઈકની ખાસ વાત એ છે કે આ બાઈક સંપૂર્ણપણે હાથથી બનાવવામાં આવી છે. આ બાઇકના માત્ર મર્યાદિત મોડલ જ બજારમાં લાવવામાં આવ્યા છે. કંપનીએ આ બાઇક માટે બુકિંગ પણ શરૂ કરી દીધું છે. જો તમે આજે આ બાઇક બુક કરાવો છો, તો આ EVની ડિલિવરી 2025ની વસંતઋતુમાં ઉપલબ્ધ થશે. રેનોએ આ મોટર શોમાં મિની-કારવાં, એક વિમાન અને પાણીનું વાહન પણ જાહેર કર્યું હતું.

Renault EV ના વેરિયન્ટ્સ

રેનો ઈલેક્ટ્રિક મોટરસાઈકલના બે વેરિઅન્ટ્સ ગ્લોબલ માર્કેટમાં આવ્યા છે – સ્ટાન્ડર્ડ અને 50 વર્ઝન. તેના 50 વર્ઝન મોડલની કિંમત 21.2 લાખ રૂપિયા છે. જ્યારે સ્ટાન્ડર્ડ મોડલની કિંમત 22.7 લાખ રૂપિયા રાખવામાં આવી છે. કંપની દાવો કરે છે કે સ્ટાન્ડર્ડ મોડલની ટોપ-સ્પીડ 99 kmph છે જ્યારે 50 વર્ઝનની ટોપ-સ્પીડ 45 kmph હોવાનું કહેવાય છે.

ઇલેક્ટ્રિક બાઇક ડિઝાઇન

રેનો ઇલેક્ટ્રિક મોટરસાઇકલ એક નિયો-રેટ્રો સ્ક્રેમ્બલર છે. આ બાઇકમાં LED DRL ની સાથે LED હેડલાઇટ પણ લગાવવામાં આવી છે. આ બાઇકની સીટ સિંગલ પીસ રિબ્ડ ડિઝાઇન સાથે આવે છે. રેનોએ તેની બાઇકમાં ખૂબ જ મોટું હેન્ડલબાર આપ્યું છે, જેમાં ગોળાકાર બાર-એન્ડ મિરર્સ છે. બાઇકની ફ્યુઅલ ટેન્કમાં પરંપરાગત મોટરસાઇકલ જેવા તત્વો આપવામાં આવ્યા છે.

રેનો બાઇકની શક્તિ

આ રેનો મોટરસાઇકલમાં 4.8 kWhની બેટરી પેક છે. આ બાઇકમાં લાગેલ ઇલેક્ટ્રિક મોટર 10 bhpનો પીક પાવર અને 280 Nmનો પીક ટોર્ક આપે છે. કંપનીનો દાવો છે કે આ રેનો ઇલેક્ટ્રિક મોટરસાઇકલ સિંગલ ચાર્જિંગમાં 110 કિલોમીટરની રેન્જ આપે છે.

આ પણ વાંચો – Tata Nano Vs MG comet : ફીચર્સની દ્રષ્ટિએ કોણ વધુ શ્રેષ્ઠ