કાવાસાકીની નવી મોટરસાઇકલ KLX230 ભારતીય બજારમાં પ્રવેશી ચૂકી છે. આ બાઇકના લોન્ચિંગ સાથે, તે ભારતીય બજારમાં વેચાતી સૌથી મોંઘી રોડ-લીગલ ડ્યુઅલ-સ્પોર્ટ મોટરસાઇકલ બની ગઈ છે. આ બાઇકનો પાવર અને ફીચર્સ ખૂબ જ પાવરફુલ છે. કાવાસાકી બાઇકની કિંમત એટલી વધારે છે કે આ બ્રાન્ડની મોટરસાઇકલની કિંમતમાં ઘણા સારા માઇલેજવાળા ટુ-વ્હીલર ખરીદી શકાય છે. Kawasaki KLX230ની ભારતમાં એક્સ-શોરૂમ કિંમત 3.30 લાખ રૂપિયા છે.
કાવાસાકી KLX230 નો પાવર
Kawasaki KLX230માં 233 cc એર-કૂલ્ડ મોટર છે. બાઈકમાં લગાવેલ આ મોટર 8,000 rpm પર 18.1 hpનો પાવર આપે છે અને 6,400 rpm પર 18.3 Nmનો ટોર્ક જનરેટ કરે છે. બાઇકના એન્જિન સાથે 6-સ્પીડ ગિયર બોક્સ પણ લગાવવામાં આવ્યું છે. જો જોવામાં આવે તો આ બાઈકની ફ્યુઅલ ટેન્ક ક્ષમતા થોડી ઓછી છે. આ બાઇકમાં 7.6 લીટર સુધી પેટ્રોલ ભરી શકાય છે. આ બાઇકમાં આગળના ભાગમાં 37 mm ટેલિસ્કોપિક ફોર્ક અને પાછળના ભાગમાં 250 mm મોનોશોક છે.
કાવાસાકી બાઇકની ખાસિયતો
કાવાસાકીની આ નવી બાઇકમાં લિમિટેડ ફીચર્સ આપવામાં આવ્યા છે. આ મોટરસાઇકલમાં મોનોટોન એલસીડી છે, જેના દ્વારા બ્લૂટૂથને કનેક્ટ કરી શકાય છે. આ બાઇકમાં ડ્યુઅલ ચેનલ ABS પણ આપવામાં આવ્યું છે. આ બાઇકમાં 880 mmની લાંબી સીટ છે. આ કાવાસાકી મોટરસાઇકલમાં નાની સીટનો વિકલ્પ પણ ઉપલબ્ધ છે.
કાવાસાકી બાઇકની હરીફ
કાવાસાકી KLX230 સાથે સ્પર્ધા કરવા માટે ભારતીય બજારમાં ઘણી બાઈક છે. આ બાઇકના હરીફ Hero Xpulse 200 4V અને Xpulse 200 4V Pro છે. Hero Xpulse 200 4Vની એક્સ-શોરૂમ કિંમત રૂ. 1.51 લાખ છે અને Xpulse 200 4V Proની એક્સ-શોરૂમ કિંમત રૂ. 1.64 લાખ છે. આ કાવાસાકી બાઈકની સરખામણીમાં હીરોની મોટરસાઈકલની કિંમત લગભગ 1.5 લાખ રૂપિયા ઓછી છે.
