સુરક્ષા સંશોધકોએ એપલ આઈફોન અને મેકબુક વપરાશકર્તાઓ માટે ચેતવણી જારી કરી છે. અહેવાલો અનુસાર, એપલની ઇન-હાઉસ સિલિકોન ચિપમાં એક ખામી જોવા મળી છે, જે કંપનીના ઉપકરણોને અસર કરી શકે છે. અમેરિકન કંપનીના આઇફોનમાં વપરાતી કેટલીક A શ્રેણીની ચિપ્સ અને લેપટોપમાં વપરાતી M શ્રેણીની ચિપ્સમાં આ સમસ્યા જોવા મળી છે.
એપલની આ ચિપ્સનો ઉપયોગ આઇફોન, આઈપેડ અને મેકમાં થાય છે. સુરક્ષા સંશોધન મુજબ, આ સમસ્યાને કારણે ઉપકરણની મેમરી હેક થઈ શકે છે. વધુમાં, ગૂગલ મેપ્સ, આઈક્લાઉડ કેલેન્ડર જેવી એપ્સનો ડેટા પણ લીક થઈ શકે છે. આવી સ્થિતિમાં, વપરાશકર્તાઓએ ટૂંક સમયમાં તેમના ઉપકરણોને નવીનતમ પેચ સાથે અપડેટ કરવા જોઈએ.
સુરક્ષા કંપની આર્સ ટેકનીકાના અહેવાલ મુજબ, 2022 થી અત્યાર સુધી લોન્ચ થયેલા તમામ મેક લેપટોપ આના કારણે પ્રભાવિત થઈ શકે છે. આ ઉપરાંત, 2023 પછીના બધા iMacs, 2021 પછીના બધા iPad Pros, iPad Air, iPad Mini અને સપ્ટેમ્બર 2021 પછીના બધા iPhones આના કારણે પ્રભાવિત થઈ શકે છે.
સંશોધકોએ તેમના રિપોર્ટમાં જણાવ્યું હતું કે આ સિલિકોન ચિપ્સમાં બે સાઇડ ચેનલ હુમલાને કારણે આ સમસ્યા થઈ શકે છે. હેકર્સ આ ચિપ્સના અલ્ગોરિધમ્સ અને ક્રાયોગ્રાફિક સંરક્ષણમાં ઘૂસી શકે છે. હેકર્સ તેમના અલ્ગોરિધમ્સમાં ઉપયોગમાં લેવાતી ઑપ્ટિમાઇઝેશન તકનીકોને કારણે A અને M શ્રેણીની ચિપ્સ પર હુમલો કરી શકે છે.
સપ્ટેમ્બર 2021 પછી લોન્ચ થયેલા iPhones વિશે વાત કરીએ તો, iPhone 13, iPhone 14, iPhone 15 અને નવીનતમ iPhone 16 શ્રેણીના iPhones આના કારણે પ્રભાવિત થઈ શકે છે. એટલું જ નહીં, iPhone SE 2022 અથવા iPhone SE 3 વપરાશકર્તાઓનો ડેટા પણ હેકર્સનાં હાથમાં આવી શકે છે.
આ ટેકનિકલ ખામી અંગે એપલ તરફથી કોઈ સત્તાવાર નિવેદન આવ્યું નથી. જોકે, સુરક્ષા સંશોધકોએ વપરાશકર્તાઓને તેમના ઉપકરણોને નવીનતમ સોફ્ટવેરથી અપડેટ કરવાની સલાહ આપી છે.
