રોહિત શર્માનું બેટ છેલ્લી કેટલીક ટેસ્ટ મેચોથી સંપૂર્ણ રીતે શાંત છે. બોર્ડર-ગાવસ્કર ટ્રોફી 2024-25માં અત્યાર સુધી રમાયેલી બે મેચોમાં રોહિત શર્માનું ફોર્મ ખરાબ રહ્યું છે. બોર્ડર-ગાવસ્કર ટ્રોફી 2024-25માં, રોહિત શર્માએ 2 ટેસ્ટ મેચની 3 ઇનિંગ્સમાં 6.33ની એવરેજથી માત્ર 19 રન બનાવ્યા છે.
હવે ભારત અને ઓસ્ટ્રેલિયા વચ્ચે ચોથી ટેસ્ટ મેચ 26 ડિસેમ્બરથી 30 ડિસેમ્બર સુધી રમાશે. આ ટેસ્ટ મેચ મેલબોર્ન ક્રિકેટ ગ્રાઉન્ડ પર રમાશે. આ ટેસ્ટ મેચ પહેલા રોહિતનો એક વીડિયો વાયરલ થઈ રહ્યો છે. જેમાં તે નેટ્સમાં પોતાના ફોર્મ સાથે સંઘર્ષ કરતો જોવા મળે છે.
પડીક્કલના બોલ પર રોહિત ફસાઈ ગયો
સોશિયલ મીડિયા પર એક વીડિયો વાયરલ થઈ રહ્યો છે જેમાં રોહિત શર્મા નેટ પ્રેક્ટિસ દરમિયાન સંઘર્ષ કરતો જોવા મળી રહ્યો છે. રસપ્રદ વાત એ છે કે આ વીડિયો દેવદત્ત પડિકલની બોલિંગનો છે. પડિક્કલ મુખ્યત્વે બેટ્સમેન છે અને તેણે હજુ સુધી કોઈપણ સ્પર્ધાત્મક મેચમાં કોઈ વિકેટ લીધી નથી. આવી સ્થિતિમાં પડિકલે પોતાની ઓફ સ્પિન બોલિંગથી રોહિતને બેકફૂટ પર ફસાવી દીધો હતો. બોલ નીચો રહ્યો અને એવું લાગી રહ્યું હતું કે રોહિત LBW આઉટ થયો છે.
ટેસ્ટ ફોર્મ ચિંતાનો વિષય બન્યો હતો
આ સિરીઝમાં રોહિતનું પ્રદર્શન ઘણું ખરાબ રહ્યું છે. અત્યાર સુધી તેણે ત્રણ ઇનિંગ્સમાં માત્ર 3, 6 અને 10 રન બનાવ્યા છે. 2024ના છેલ્લા કેટલાક મહિનામાં પણ રોહિતનું બેટ શાંત રહ્યું છે. તેણે આ વર્ષે 13 ઇનિંગ્સમાં માત્ર 153 રન બનાવ્યા છે. ઘરઆંગણે બાંગ્લાદેશ અને ન્યુઝીલેન્ડ સામે શરૂ થયેલું તેનું ખરાબ ફોર્મ ઓસ્ટ્રેલિયાની પીચો પર પણ ચાલુ છે. ભલે ભારતીય ટીમ શ્રેણીમાં મજબૂત સ્થિતિમાં હોય અને વર્લ્ડ ટેસ્ટ ચેમ્પિયનશિપ 2025ની ફાઈનલ તરફ આગળ વધી રહી હોય, પણ કેપ્ટન રોહિતનું ફોર્મ આ સફરમાં વધુ યોગદાન આપી શક્યું નથી.
