ભારત અને ઓસ્ટ્રેલિયા વચ્ચે ત્રીજી ટેસ્ટ મેચ બ્રિસ્બેનના ગાબા ખાતે રમાઈ રહી છે. મેચ પર વરસાદનો પડછાયો પણ છવાયેલો છે. વરસાદના કારણે પ્રથમ દિવસની રમત પૂર્ણ થઈ શકી ન હતી, જેના કારણે મેચ સમય પહેલા રદ કરવામાં આવી હતી. જે બાદ ક્રિકેટ ઓસ્ટ્રેલિયાને ભારે નુકસાન સહન કરવું પડ્યું છે.
ઓસ્ટ્રેલિયન ક્રિકેટને કરોડો રૂપિયાનું નુકસાન થયું
બોર્ડર ગાવસ્કર ટ્રોફીની ત્રીજી મેચ બ્રિસ્બેનના ગાબા ખાતે રમાઈ રહી છે. વરસાદના કારણે પહેલા દિવસે માત્ર 13.2 ઓવર જ રમાઈ શકી હતી. જેના કારણે ક્રિકેટ ઓસ્ટ્રેલિયાને આર્થિક નુકસાન સહન કરવું પડે છે. પ્રથમ દિવસે, ગાબા સ્ટેડિયમમાં 30 હજારથી વધુ દર્શકો હાજર હતા, પરંતુ વરસાદે બધાની મજા બગાડી દીધી હતી. ક્રિકેટ ઓસ્ટ્રેલિયાની રિફંડ પોલિસી અનુસાર, જો મેચ 15 ઓવરથી ઓછી રમવામાં આવે છે, તો ચાહકો ટિકિટના પૈસા પરત મેળવવા માટે હકદાર છે.
આવી સ્થિતિમાં, અહેવાલોમાં દાવો કરવામાં આવી રહ્યો છે કે વરસાદના કારણે ગાબા ટેસ્ટના પ્રથમ દિવસના રદ થવાને કારણે ક્રિકેટ ઓસ્ટ્રેલિયાને લગભગ 8.5 કરોડ રૂપિયાનું મોટું નુકસાન વેઠવું પડી શકે છે. અહેવાલો અનુસાર, ક્રિકેટ ઓસ્ટ્રેલિયાને 13.2 ઓવરમાં 10.6 લાખ રૂપિયા પ્રતિ બોલ, 30.3 લાખ રૂપિયા પ્રતિ રન અને 64.4 લાખ રૂપિયાનું નુકસાન થયું છે.
રોહિત શર્માએ ટોસ જીત્યો હતો
ગાબા ટેસ્ટમાં ભારતીય ટીમના કેપ્ટન રોહિત શર્માએ ટોસ જીતીને પ્રથમ બોલિંગ કરવાનો નિર્ણય કર્યો હતો. પ્રથમ દિવસે 13.2 ઓવર રમાઈ હતી જેમાં બેટિંગ કરતા ઓસ્ટ્રેલિયાએ એકપણ વિકેટ ગુમાવ્યા વિના 28 રન બનાવ્યા હતા. જે બાદ બીજા દિવસે પ્રથમ સેશનમાં ભારતીય બોલરોએ શાનદાર બોલિંગ પ્રદર્શન કર્યું હતું. પ્રથમ સેશનમાં ઓસ્ટ્રેલિયાએ 3 વિકેટ ગુમાવીને 104 રન બનાવ્યા હતા. જેમાં 2 વિકેટ જસપ્રીત બુમરાહે અને એક વિકેટ નીતીશ કુમાર રેડ્ડીએ લીધી હતી.
