દેશમાં આજે 2 ફ્લાઈટનું ઈમરજન્સી લેન્ડિંગ થયું હતું. બે વિમાનો આકાશમાં ક્રેશ થતા બચી ગયા. 200 મુસાફરોનો જીવ દાવ પર હતો, પરંતુ પાઇલોટે ડહાપણ દાખવીને બંને પ્લેનનું ઇમરજન્સી લેન્ડિંગ કરાવ્યું અને યાત્રીઓ તેમજ પોતાના અને ક્રૂ મેમ્બરના જીવ બચાવ્યા. એક ફ્લાઈટ દિલ્હીથી શિલોંગ જઈ રહી હતી, જેનું પટના એરપોર્ટ પર ઈમરજન્સી લેન્ડિંગ થયું હતું. બીજી ફ્લાઈટ કોચી જઈ રહી હતી, જેનું ચેન્નાઈ એરપોર્ટ પર ઈમરજન્સી લેન્ડિંગ કરવામાં આવ્યું હતું. બંને ફ્લાઈટ સ્પાઈસ જેટ એરલાઈન્સની હતી. તૂટેલી વિન્ડશિલ્ડને કારણે એક ફ્લાઇટ જોખમમાં હતી. ટેક્નિકલ ખામીના કારણે બીજી ફ્લાઈટને ડાયવર્ટ કરવી પડી હતી. ચાલો જાણીએ શું થયું?
બર્ડ હિટને કારણે વિન્ડશિલ્ડમાં તિરાડ પડી
મીડિયા રિપોર્ટ્સ અનુસાર, દિલ્હીથી શિલોંગ જઈ રહેલી સ્પાઈસજેટ એરલાઈનની ફ્લાઈટ SG-2950 દુર્ઘટનામાંથી બચી ગઈ. આ ફ્લાઈટનું પટના એરપોર્ટ પર ઈમરજન્સી લેન્ડિંગ કરવામાં આવ્યું હતું. કારણ કે પક્ષી વિમાન સાથે અથડાયું હતું. જેના કારણે પ્લેનના કોકપીટની વિન્ડશિલ્ડમાં તિરાડ પડી હતી. પાયલોટે તિરાડ જોતાં જ તેણે ક્રૂ મેમ્બર્સને તેની જાણકારી આપી હતી. ત્યારબાદ પાયલોટે પટના એરપોર્ટના એટીસીનો સંપર્ક કર્યો અને ઈમરજન્સી લેન્ડિંગની પરવાનગી માંગી. ત્યારબાદ પાયલોટે વિમાનને પટના તરફ વાળ્યું. પ્લેન અહીં જયપ્રકાશ નારાયણ ઈન્ટરનેશનલ એરપોર્ટ પર લેન્ડ થયું હતું. આ ઘટના સવારે 9 વાગ્યાની આસપાસ બની હતી. ફ્લાઇટ લગભગ 7 વાગે દિલ્હીથી ઉડાન ભરી હતી. આ ફ્લાઈટમાં 80 મુસાફરો અને ક્રૂ મેમ્બર હતા. પ્લેન લેન્ડ થતાની સાથે જ મુસાફરોને ઈમરજન્સી ગેટ દ્વારા બચાવી લેવામાં આવ્યા હતા.
સ્પાઈસ જેટનું પ્રાઈવેટ પ્લેન કોચી જઈ રહ્યું હતું
મીડિયા રિપોર્ટ્સ અનુસાર, કોચી જઈ રહેલા સ્પાઈસજેટ એરલાઈન્સના પ્લેનમાં આકાશમાં જ ટેક્નિકલ ખામી સર્જાઈ હતી. આથી પ્લેનનું ચેન્નાઈ એરપોર્ટ પર ઈમરજન્સી લેન્ડિંગ કરવું પડ્યું હતું. તમામ 117 મુસાફરો અને ક્રૂ મેમ્બર સુરક્ષિત છે. આ સ્પાઈસ જેટ કંપનીનું પ્રાઈવેટ પ્લેન હતું, પરંતુ પ્લેનમાં ટેક્નિકલ ખામીના કારણે તેને ઉડવામાં મુશ્કેલી પડી રહી હતી. તેથી, પાયલટે ચેન્નાઈ એરપોર્ટના અધિકારીઓનો સંપર્ક કર્યો અને પ્લેનના ઈમરજન્સી લેન્ડિંગ માટે પરવાનગી માંગી. પરવાનગી મળતાની સાથે જ પ્લેનને ચેન્નાઈ તરફ વાળવામાં આવ્યું અને ઈમરજન્સી લેન્ડિંગ કરવામાં આવ્યું. મુસાફરોને ઈમરજન્સી ગેટ દ્વારા બચાવી લેવામાં આવ્યા હતા અને પ્લેનની તપાસ કરવામાં આવી હતી. એરપોર્ટ અધિકારીઓએ ઘટનાની પુષ્ટિ કરતા કહ્યું કે પ્લેન સુરક્ષિત છે અને તેમાં સવાર તમામ લોકો પણ સુરક્ષિત છે.
