વર્ષ 2024નો છેલ્લો મહિનો રોકાણકારો માટે મોટી તક લઈને આવ્યો છે. જો તમે આ વર્ષે અત્યાર સુધી IPOમાં રોકાણ કરવાનું ચૂકી ગયા છો, તો આવતા અઠવાડિયે તમારી પાસે બમ્પર કમાણી કરવાની તક છે. આગામી સપ્તાહે શેરબજારમાં એક-બે નહીં પરંતુ કુલ 9 આઈપીઓ લોન્ચ થવા જઈ રહ્યા છે. તેમાંથી 4 મેઈનબોર્ડ કેટેગરીમાં મોટા આઈપીઓ છે, જેમાં વિશાલ મેગા માર્ટ અને મોબિક્વિક જેવા મોટા નામોનો સમાવેશ થાય છે. આ ઉપરાંત SME કેટેગરીના 5 IPO પણ માર્કેટમાં આવવાના છે.
વિશાલ મેગા માર્ટ આઇપીઓ
સુપરમાર્કેટ ચેઇન ચલાવતી કંપની વિશાલ મેગા માર્ટનો IPO 11 ડિસેમ્બરથી 13 ડિસેમ્બર વચ્ચે સબસ્ક્રિપ્શન માટે ખુલ્લો રહેશે. કંપની આ IPO દ્વારા 8,000 કરોડ રૂપિયા એકત્ર કરવાની યોજના બનાવી રહી છે. આમાં, ઓફર ફોર સેલ (OFS) હેઠળ 102.56 કરોડ શેર જારી કરવામાં આવશે. તેની પ્રાઇસ બેન્ડ રૂ. 74 થી રૂ. 78 પ્રતિ શેર નક્કી કરવામાં આવી છે, અને તેની લોટ સાઈઝ 190 શેર છે. મતલબ કે રોકાણકારોએ ઓછામાં ઓછા 14,820 રૂપિયાનું રોકાણ કરવું પડશે. આ IPOનું લિસ્ટિંગ 18 ડિસેમ્બરે થશે.
સાઈ લાઈફ સાયન્સ લિમિટેડ આઈપીઓ
સાઈ લાઈફ સાયન્સ લિમિટેડનો IPO પણ 11 થી 13 ડિસેમ્બરની વચ્ચે ખુલશે. કંપનીએ રૂ. 3,042.62 કરોડ એકત્ર કરવાનો લક્ષ્યાંક રાખ્યો છે. જેમાં રૂ. 950 કરોડના નવા શેર અને રૂ. 2,092.62 કરોડના શેર ઓફર ફોર સેલ દ્વારા જારી કરવામાં આવશે. આ IPOની પ્રાઇસ બેન્ડ રૂ. 522 થી રૂ. 549 પ્રતિ શેર છે, અને તેની લોટ સાઈઝ 27 શેર હશે. રોકાણકારોએ ઓછામાં ઓછા 14,823 રૂપિયાનું રોકાણ કરવું પડશે. આ IPOનું લિસ્ટિંગ 18 ડિસેમ્બરે થશે.
mobikwik ipo
One MobiKwik Systems Limitedનો IPO 11 ડિસેમ્બરથી 13 ડિસેમ્બર સુધી ખુલશે. આ IPO 572 કરોડ રૂપિયાનો છે, જેમાં 2.05 કરોડ નવા શેર જારી કરવામાં આવશે. તેની પ્રાઇસ બેન્ડ રૂ. 265 થી રૂ. 279 પ્રતિ શેર નક્કી કરવામાં આવી છે અને રોકાણકારોએ ઓછામાં ઓછા 53 શેર માટે બિડ કરવી પડશે. તે મુજબ ન્યૂનતમ રોકાણ 14,787 રૂપિયા હશે. આ IPOનું લિસ્ટિંગ પણ 18 ડિસેમ્બરે થશે.
ઇન્વેન્ટુરસ નોલેજ સોલ્યુશન્સ લિમિટેડ IPO
Inventurus Knowledge Solutions Limitedનો IPO 12 ડિસેમ્બરથી 16 ડિસેમ્બર સુધી ખુલશે. તે ઓફર ફોર સેલ (OFS) દ્વારા સંપૂર્ણ રીતે 1.88 કરોડ શેર ઇશ્યૂ કરશે. કંપનીએ હજુ સુધી પ્રાઇસ બેન્ડની જાહેરાત કરી નથી. તેનું સંભવિત લિસ્ટિંગ 19 ડિસેમ્બરે થશે.
SME કેટેગરીના IPO
આગામી સપ્તાહે SME સેગમેન્ટમાં કુલ 5 IPO લોન્ચ થવા જઈ રહ્યા છે.
- ધનલક્ષ્મી ક્રોપ સાયન્સ IPO: રૂ. 23.80 કરોડનો આ IPO 9 ડિસેમ્બરથી 11 ડિસેમ્બર સુધી ખુલશે.
- Jungle Camps India IPO: રૂ. 29.42 કરોડનો આ IPO 10 ડિસેમ્બરથી 12 ડિસેમ્બર સુધી ખુલશે.
- Toss The Coin IPO: રૂ. 9.17 કરોડનો આ IPO 9 ડિસેમ્બરથી 11 ડિસેમ્બર સુધી સબસ્ક્રિપ્શન માટે ઉપલબ્ધ રહેશે.
- પર્પલ યુનાઈટેડ સેલ્સ આઈપીઓઃ રૂ. 32.81 કરોડનો આ આઈપીઓ 10 ડિસેમ્બરથી 12 ડિસેમ્બર સુધી ખુલશે.
- સુપ્રીમ ફેસિલિટી મેનેજમેન્ટ આઈપીઓઃ રૂ. 50 કરોડનો આ આઈપીઓ પણ માર્કેટમાં આવશે.
