નવી કારને લઈને લોકોમાં ભારે ઉત્સાહ જોવા મળી રહ્યો છે, આવી સ્થિતિમાં દેશભરના લોકોની નજર હવે આગામી વર્ષ એટલે કે 2025 પર ટકેલી છે કે આ વર્ષે કઈ કાર લોન્ચ થશે. જો તમે પણ આ જ જાણવાનો પ્રયાસ કરી રહ્યા છો, તો તમને જણાવી દઈએ કે વર્ષ 2025ના જાન્યુઆરીથી ડિસેમ્બર સુધી ઘણી બધી નવી કાર જોવા મળશે અને તેમાંથી ઘણી ઇલેક્ટ્રિક કાર હશે. આવનારી ઈલેક્ટ્રિક કારમાં Hyundai Creta EV અને Tata Harrier EV તેમજ મારુતિ સુઝુકીની પ્રથમ ઇલેક્ટ્રિક SUV EVXનો સમાવેશ થાય છે.
કઈ નવી ઈલેક્ટ્રિક કાર આવી રહી છે
એક ઈલેક્ટ્રિક કાર જેની લોકો આતુરતાથી રાહ જોઈ રહ્યા છે તે છે Hyundai Creta EV. Hyundaiની સૌથી વધુ વેચાતી SUV Cretaનું ઇલેક્ટ્રિક વેરિઅન્ટ જાન્યુઆરીથી માર્ચ વચ્ચે લોન્ચ થઈ શકે છે. ટાટા મોટર્સ આવતા વર્ષે તેની ખૂબ જ શક્તિશાળી એસયુવી હેરિયરનું ઇલેક્ટ્રિક વેરિઅન્ટ પણ લોન્ચ કરી શકે છે. આ અઠવાડિયે વૈશ્વિક સ્તરે બે નવી ઇલેક્ટ્રિક SUVs XEV 9e અને BE 6eનું અનાવરણ કર્યા પછી, મહિન્દ્રા એન્ડ મહિન્દ્રા આવતા વર્ષે તેની કિંમત જાહેર કરી શકે છે. આ બધાની વચ્ચે મારુતિ સુઝુકી એક ખાસ ઇલેક્ટ્રિક SUV પણ લાવી રહી છે, જેનું નામ E-Vitara છે. આવનારા સમયમાં આ ઈલેક્ટ્રિક કાર વિશે વધુ માહિતી બહાર આવશે.
કંપનીઓ આ કાર પર મોટો દાવ રમવા માંગે છે
આવતા વર્ષે, રેનો ડસ્ટર ભારતીય બજારમાં પરત આવી શકે છે, જે એક આઇકોનિક SUV છે અને ભારતમાં લાંબા સમયથી લોકપ્રિય છે. જો કે, કંપની હજુ સુધી આ સંબંધમાં કોઈ ચોક્કસ માહિતી આપી શકી નથી. આવતા વર્ષે, કિયા ઇન્ડિયા સિરોસ નામની નવી કોમ્પેક્ટ એસયુવી લોન્ચ કરવાની તૈયારી કરી રહી છે અને કેરેન્સનું ફેસલિફ્ટ મોડલ પણ રજૂ કરવામાં આવી શકે છે. JSW MG મોટર ઇન્ડિયા આવતા વર્ષે ભારતમાં નવી સબ-4 મીટર SUV લોન્ચ કરી શકે છે. સાથે જ ગ્લોસ્ટરનું ફેસલિફ્ટ મોડલ પણ લોન્ચ કરી શકાય છે. આગામી સમયમાં આ કાર્સ વિશે વિગતવાર માહિતી બહાર આવશે.
