શરીરમાં પોષક તત્વોની અછત ઘણીવાર ગંભીર રોગો તરફ દોરી જાય છે. તેમની ઉણપને કારણે, શરીર પર ઘણા પ્રકારના લક્ષણો જોવા મળે છે, જેમ કે દાંત અથવા પેઢામાં દુખાવો, જે વિટામિન B-12 ની ઉણપની નિશાની છે. વિટામિન B-12 સ્વાસ્થ્ય માટે ખૂબ જ મહત્વપૂર્ણ વિટામિન માનવામાં આવે છે. આ વિટામિનની ઉણપથી શરીરમાં એનિમિયા, સ્નાયુઓ અને હાડકાંમાં નબળાઈ તેમજ મગજમાં કામકાજની સમસ્યા થઈ શકે છે. એક રિસર્ચમાં સામે આવ્યું છે કે જો શરીરમાં વિટામિન B-12 ઓછું હોય તો આપણું મોં પણ ઘણા સિગ્નલ આપે છે, જેને સમજવું જરૂરી છે.
વિટામિન B-12 ની ઉણપના ચિહ્નો
એક અહેવાલ અનુસાર,વિટામિન B-12 આપણા એકંદર સ્વાસ્થ્ય માટે આવશ્યક તત્વ છે. તેની ઉણપ કોઈપણ માટે નુકસાનકારક હોઈ શકે છે. વિટામિન B-12 ની ઉણપના સામાન્ય ચિહ્નોમાં દાંતનો દુખાવો પણ સામેલ છે. આ ચિહ્નો છે:
1. દાંતનો દુખાવો – દાંતનો દુખાવો શરીરમાં વિટામિન B-12ની ઉણપનો પણ સંકેત છે. વાસ્તવમાં, આવું એટલા માટે થાય છે કારણ કે B-12 ની ઉણપથી દાંતના જ્ઞાનતંતુઓમાં નબળાઈ આવે છે અને શરીરમાં કેલ્શિયમનું નિર્માણ પણ ઘટી જાય છે, જેના કારણે દાંતમાં દુખાવો થાય છે.
2. પેઢામાં નબળાઈ – શરીરમાં વિટામિન B-12 ની ઉણપને કારણે પેઢામાં નબળાઈ, સોજો અને લાલાશ દેખાવા લાગે છે. શરીરમાં વિટામીન B-12 ની ઉણપને કારણે ઘણી વખત પેઢામાંથી લોહી નીકળવાની સમસ્યા પણ થાય છે.
3. મોઢામાં ચાંદા – જો તમને વારંવાર મોઢામાં ચાંદા પડી રહ્યા હોય તો તે શરીરમાં વિટામિન B-12ની ઉણપનો પણ સંકેત છે. વાસ્તવમાં, મોઢાના ચાંદા રોગપ્રતિકારક શક્તિ સાથે સંબંધિત છે, જે આ તત્વની ઉણપને કારણે નબળા પડી જાય છે.
અન્ય ચિહ્નો
શરીરમાં વિટામીન B-12 ની ઉણપના કેટલાક અન્ય સંકેતો છે જેમ કે હાથ-પગ સુન્ન થઈ જવા, શરીરમાં લોહીની ઉણપ, જેના કારણે ત્વચાનો રંગ અને આંખોનો સફેદ ભાગ. પીળા દેખાય છે રોજિંદી આદતો ભૂલી જવી એ પણ આ વિટામિનની ઉણપનું લક્ષણ છે. વિટામિન B-12 ની ઉણપથી નબળાઈ, થાક અને ભૂખ ઓછી લાગે છે.
