Russia-Ukraine War: પ્રથમ વખત યુક્રેને લાંબા અંતરની બેલેસ્ટિક મિસાઈલ વડે રશિયાના કબજા હેઠળના વિસ્તારો પર હુમલો કર્યો છે. મંગળવાર-બુધવારની રાત્રે, રશિયન આર્મી એરસ્ટ્રીપ અને ક્રિમીઆમાં સ્થિત કેટલાક અન્ય વિસ્તારો પર આ હુમલા કરવામાં આવ્યા હતા. આ માહિતી એક અમેરિકન અધિકારીએ આપી છે. અમેરિકાએ ગુપ્ત રીતે આ મિસાઈલો યુક્રેનમાં મોકલી છે.
આ સિવાય યુક્રેને રશિયાના લિપેટ્સક ક્ષેત્રમાં સ્થિત સ્ટીલની એક મોટી ફેક્ટરીને તેના પર ડ્રોન હુમલો કરીને નુકસાન પહોંચાડ્યું છે. યુક્રેનિયન યુદ્ધની શરૂઆતથી, યુએસએ યુક્રેનને લાંબા અંતરના શસ્ત્રો આપવાનું ટાળ્યું છે. આ મિસાઇલો રશિયાના વસ્તીવાળા વિસ્તારોને નુકસાન અને નાટો જોડાણ સાથે સીધા સંઘર્ષનો ખતરો ઉભો કરશે.
યુક્રેનને મળેલી નવી મિસાઈલની રેન્જ 300 કિલોમીટર છે. જાણવા મળ્યું છે કે અમેરિકાએ ઓક્ટોબર 2023થી યુક્રેનને આ મિસાઇલોની સપ્લાય કરવાનું શરૂ કર્યું હતું. હવે જ્યારે અમેરિકી રાષ્ટ્રપતિ જો બિડેને 95 બિલિયન ડોલરની મદદ મંજૂર કરી છે, ત્યારે આ મિસાઇલો યુક્રેનને પણ આપવામાં આવશે.
એવું માનવામાં આવે છે કે યુદ્ધમાં આ મિસાઇલોનો ઉપયોગ યુક્રેનને મજબૂત કરશે અને તે ફરી એકવાર રશિયા સાથે સ્પર્ધા કરવાની સ્થિતિમાં આવી જશે. જો કે, યુક્રેન લાંબા સમયથી આવા લાંબા અંતરના હથિયારોની માંગ કરી રહ્યું હતું. આ પહેલા અમેરિકાએ યુક્રેનને માત્ર 160 કિલોમીટરની મહત્તમ રેન્જ ધરાવતી મિસાઈલ આપી હતી.
