Telengana: તેલંગાણાના સૂર્યપેટમાં ગુરુવારે એક ભયાનક માર્ગ અકસ્માતમાં એક બાળકી સહિત છ લોકોના મોત થયા હતા. વાસ્તવમાં એક કાર ટ્રક સાથે અથડાઈ હતી. હૈદરાબાદથી લગભગ 180 કિમી દૂર આવેલા આ જિલ્લાના કોદાદા શહેર પાસે આ અકસ્માત થયો હતો. આ તમામ મૃતકો કારમાં મુસાફરી કરી રહ્યા હતા.
કારમાં 10 લોકો સવાર હતા
કોડડાના ડીએસપી શ્રીધર રેડ્ડીએ માહિતી આપી હતી કે હૈદરાબાદ-વિજયવાડા હાઈવે પર સમારકામ માટે રોડ કિનારે પાર્ક કરેલી ટ્રક સાથે કાર અથડાઈ હતી. ગુરુવારે વહેલી સવારે જ્યારે આ અકસ્માત થયો ત્યારે કારમાં કુલ 10 લોકો મુસાફરી કરી રહ્યા હતા. ચાર મુસાફરોને નાની-મોટી ઈજાઓ થઈ હતી અને તેમને સરકારી હોસ્પિટલમાં દાખલ કરવામાં આવ્યા હતા.
