Flights Divert: ખરાબ હવામાનને કારણે શનિવારે સાંજે દિલ્હી એરપોર્ટ પર ઓછામાં ઓછી 15 ફ્લાઈટને ડાયવર્ટ કરવામાં આવી હતી. સૂત્રોના જણાવ્યા અનુસાર નવ ફ્લાઈટને જયપુર, બે અમૃતસર, બે લખનૌ, એક મુંબઈ અને એક ચંદીગઢ ડાયવર્ટ કરવામાં આવી હતી. દરમિયાન, રાષ્ટ્રીય રાજધાનીમાં હવામાનમાં અચાનક પલટો આવ્યો હતો અને મંગળવારે સાંજે દિલ્હીના ઘણા ભાગોમાં વરસાદ પડ્યો હતો.
નોંધનીય છે કે દિલ્હી-એનસીઆરમાં આકરી ગરમીથી લોકોને રાહત મળી છે. મંગળવારે અહીં હવામાનમાં અચાનક પલટો આવ્યો, ત્યારબાદ વરસાદ પડ્યો. મંગળવારે બપોરથી આકાશ વાદળછાયું થવા લાગ્યું હતું, ત્યારબાદ ભારે વરસાદની સંભાવના હતી. સાંજ સુધીમાં જોરદાર પવન અને વાવાઝોડા સાથે વરસાદ પડ્યો, જો કે તે લાંબો સમય ચાલ્યો નહીં. હવામાનમાં આવેલા અચાનક પલટાને કારણે તાપમાનમાં પણ ઘટાડો થયો છે.
IMDના વરિષ્ઠ વૈજ્ઞાનિક ડૉ. નરેશ કુમારે ન્યૂઝ એજન્સી ANI સાથે વાત કરતા કહ્યું કે, પૂર્વ ભારતમાં આગામી 4-5 દિવસમાં તાપમાન 44 ડિગ્રી સેલ્સિયસ સુધી પહોંચી શકે છે.
IMD એ હવામાનને લઈને આગાહી કરી હતી
કુમારે કહ્યું, “દિલ્હીમાં અમારો અંદાજ છે કે આગામી 2-3 દિવસમાં તાપમાન 38 ડિગ્રી સેલ્સિયસની આસપાસ રહેવાની ધારણા છે. આ પછી ધીમે ધીમે તેમાં 1-2 ડિગ્રીનો વધારો થઈ શકે છે અને તેની સાથે આવતીકાલે હળવો વરસાદ પડશે. વરસાદની પણ સંભાવના છે, હાલમાં પૂર્વ ભારતમાં 44 ડિગ્રી સેલ્સિયસ અને ઉત્તર-પશ્ચિમ ભારતમાં તાપમાન 44 ડિગ્રી સુધી પહોંચી શકે છે.
