હર્બલ ટીમાં વિટામિન્સ, મિનરલ્સ અને એન્ટિઓક્સિડન્ટ્સ હોય છે. એટલા માટે ચાનું સેવન સારું માનવામાં આવે છે. વજન ઘટાડવા માટે લોકો તેનો ઘણો ઉપયોગ કરે છે. પરંતુ ક્યારેક તે જીવલેણ પણ બની શકે છે. હાલમાં જ ઓસ્ટ્રેલિયામાંથી એક કિસ્સો પ્રકાશમાં આવ્યો છે, જ્યાં એક ચાઈનીઝ ડોક્ટરે હાર્ટ પેશન્ટ મહિલાને હર્બલ ટી પીવડાવી હતી. આ પછી મહિલાનું મોત થયું હતું. આ ડોક્ટર પર ત્રણ વર્ષનો પ્રતિબંધ મુકવામાં આવ્યો છે.
હર્બલ ટી પીધા બાદ અટેક આવ્યો
ઓસ્ટ્રેલિયામાં એક ચાઈનીઝ ડોક્ટર પર ત્રણ વર્ષ માટે ચાઈનીઝ દવાની પ્રેક્ટિસ કરવા પર પ્રતિબંધ મૂકવામાં આવ્યો હતો. ડૉક્ટર પર હૃદયરોગથી પીડિત મહિલાને હર્બલ ટી આપવાનો આરોપ છે. આ ચા પીધા બાદ મહિલાનું હાર્ટ એટેકથી મોત થયું હતું. મળતી માહિતી મુજબ, સારવાર કરનાર ડૉક્ટરએ ઓસ્ટ્રેલિયાના પૂર્વ વડાપ્રધાન જેવી મોટી હસ્તીઓની પણ સારવાર કરી છે.
ડોક્ટરની બેદરકારી સામે આવી
વજન ઘટાડવા માટે હર્બલ ટીનો ઉપયોગ સામાન્ય છે. પરંતુ તે ઘણા લોકોના સ્વાસ્થ્ય પર પણ વિપરીત અસર કરી શકે છે. મહિલાએ જાન્યુઆરી 2018માં વજન ઘટાડવા માટે ક્લિનિકમાં સારવાર કરાવી હતી. આ સમયગાળા દરમિયાન તેણે લગભગ 16 વખત ડૉક્ટરની સલાહ લીધી. પરંતુ ડોક્ટરે ક્યારેય મહિલાને તેના હૃદયના સ્વાસ્થ્ય વિશે પૂછ્યું નહીં. સારવાર દરમિયાન મહિલાને હાર્ટ એટેક આવ્યો, ત્યારબાદ તેને હોસ્પિટલમાં લઈ જવામાં આવી. મૃત્યુનું કારણ પોટેશિયમની ઉણપ અને કાર્ડિયાક અરેસ્ટ હોવાનું કહેવાય છે.
હર્બલ ટી હાર્ટ પેશન્ટ માટે ખતરનાક?
વજન ઘટાડવા માટે હર્બલ ચાનો ઉપયોગ કરવાની ભલામણ કરવામાં આવે છે. તેમાં કેફીન હોતું નથી, કારણ કે આ ચા મસાલા અને સૂકા ફૂલો સાથે મિશ્રિત જડીબુટ્ટીઓમાંથી બનાવવામાં આવે છે. તેનો વધુ પડતો ઉપયોગ શરીર માટે હાનિકારક પણ સાબિત થઈ શકે છે. આ મોતના કિસ્સાએ ઓસ્ટ્રેલિયામાં ચિંતા વધારી દીધી છે. ડૉક્ટરની સલાહ લીધા વિના તેનો ઉપયોગ કરવાથી જીવનું જોખમ વધી શકે છે. સૌપ્રથમ શરીરના તમામ ટેસ્ટ કરાવો જેથી રોગ જાણી શકાય. તે પછી જ ચા પીવી જોઈએ.
