મારુતિ સુઝુકી પછી હ્યુન્ડાઈ ઈન્ડિયા ભારતમાં કાર વેચનારી બીજી સૌથી મોટી કંપની છે. હ્યુન્ડાઈ ઈન્ડિયાએ ગયા મહિને એટલે કે ઓગસ્ટ 2024માં કારના વેચાણનો ડેટા જાહેર કર્યો છે. ફરી એકવાર Hyundai Cretaએ વેચાણમાં ટોચનું સ્થાન હાંસલ કર્યું છે. Hyundai Cretaએ ગયા મહિને કુલ 16,762 કારનું વેચાણ કર્યું હતું. જ્યારે બરાબર એક વર્ષ પહેલા એટલે કે ઓગસ્ટ, 2023માં હ્યુન્ડાઈ ક્રેટાએ કુલ 13,832 કારનું વેચાણ કર્યું હતું. આ સમયગાળા દરમિયાન, Hyundai Creta વેચાણમાં વાર્ષિક ધોરણે 21.18 ટકાનો વધારો જોવા મળ્યો છે. જ્યારે તેના કારણે કંપનીના કુલ વેચાણમાં એકલા Hyundai Cretaનો બજારહિસ્સો 33.85 ટકા થઈ ગયો. ચાલો, ગયા મહિને હ્યુન્ડાઈની 10 સૌથી વધુ વેચાતી કારના વેચાણ વિશે વિગતવાર જાણીએ.
હ્યુન્ડાઈ વેન્યુના વેચાણમાં ઘટાડો
વેચાણની આ યાદીમાં હ્યુન્ડાઈ વેન્યુ બીજા સ્થાને હતું. હ્યુન્ડાઈ વેન્યુએ ગયા મહિને 17.02 ટકાના વાર્ષિક ઘટાડા સાથે કુલ 9,085 કારનું વેચાણ કર્યું હતું. જ્યારે વેચાણની આ યાદીમાં Hyundai Exeter ત્રીજા સ્થાને છે. Hyundai Exeter આ સમયગાળા દરમિયાન 10.74 ટકાના વાર્ષિક ઘટાડા સાથે કુલ 6,632 કારનું વેચાણ કર્યું હતું. આ સિવાય હ્યુન્ડાઈ i10 NIOS વેચાણની આ યાદીમાં ચોથા સ્થાને છે. Hyundai i10 NIOS એ આ સમયગાળા દરમિયાન 26.57 ટકાના વાર્ષિક ઘટાડા સાથે કારના કુલ 5,365 યુનિટ વેચ્યા હતા. જ્યારે Hyundai i20 વેચાણ યાદીમાં પાંચમા સ્થાને હતી. Hyundai i20 એ ગયા મહિને કારના 4,913 યુનિટ વેચ્યા હતા. જ્યારે 12.02 ટકાના વાર્ષિક ઘટાડા સાથે હ્યુન્ડાઈ ઓરા કારના 4,304 યુનિટ વેચીને છઠ્ઠા સ્થાને રહી.
Hyundai Konaને એક પણ ગ્રાહક મળ્યો નથી
બીજી તરફ, હ્યુન્ડાઈ વર્ના વેચાણની આ યાદીમાં સાતમા સ્થાને રહી. Hyundai Vernaએ ગયા મહિને 53.65 ટકાના વાર્ષિક ઘટાડા સાથે કુલ 1,194 કારનું વેચાણ કર્યું હતું. જ્યારે વેચાણની આ યાદીમાં હ્યુન્ડાઈ અલ્કાઝાર આઠમા નંબરે હતી. Hyundai Alcazarએ ગયા મહિને 25.99 ટકાના વાર્ષિક ઘટાડા સાથે કુલ 1,105 કારનું વેચાણ કર્યું હતું. આ સિવાય હ્યુન્ડાઈ ટક્સન વેચાણની આ યાદીમાં નવમા નંબરે હતી. Hyundai Tucsonએ ગયા મહિને 47.03 ટકાના વાર્ષિક ઘટાડા સાથે કુલ 125 કારનું વેચાણ કર્યું હતું. જ્યારે Hyundai Ioniq કારના 40 યુનિટ વેચીને 69.23%ના વાર્ષિક ઘટાડા સાથે દસમા સ્થાને હતી. જોકે, Hyundai Konaને ગયા મહિને એક પણ ગ્રાહક મળ્યો ન હતો.
